रितेशला दिल्या कलाकारांनी शुभेच्छा

बॉलिवूड आणि मराठी चित्रपटसृष्ट्रीत आपले स्थान निर्माण करणाºया प्रेक्षकांचा लाडका अभिनेता रितेश देशमुख यांचा आज वाढदिवस आहे. या कलाकाराला बॉलिवूड आणि मराठी चित्रपटसृष्ट्रीतील कलाकारांनी सोशलमीडियावर भरभरून शुभेच्छा दिले असल्याचे पाहायला मिळत आहे. बॉलिवुडमध्ये सुनिल शेट्टी, साजिद खान, सलीम खान अशा अनेक कलाकारांनी त्याच्यावर शुभेच्छांचा वर्षाव केला आहे. तर मराठी इंडस्ट्रीमध्येदेखील अतुल जगदाळे, अमेय वाघ, रवी जाधव अशा अनेक कलाकारांनी वाढदिवसाच्या शुभेच्छा दिल्या असल्याचे सोशलमीडियावर पाहायला मिळत आहेत. त्याचप्रमाणे त्याच्या चाहत्यांनीदेखील त्या वाढदिवसाच्या शुभेच्छा देत त्याचे झक्कास फोटोजदेखील अपलोड केले आहेत. रितेशने नेहमीच बॉलीवूड आणि मराठी चित्रपटसृष्ट्रीला जवळ केले आहे. त्याने बॉलिवूडप्रमाणेच मराठीमध्येदेखील अनेक सुपरहीट चित्रपट केले आहेत. लय भारी हा त्याचा मराठी चित्रपट प्रेक्षकांच्या पसंतीस उतरला होता. त्याचप्रमाणे या चित्रपटाच्या माध्यमातून त्याने बॉलिवूडचा दबंग खान सलमान खानलादेखील मराठी चित्रपटसृष्ट्रीत आणून कमाल करून दाखविली आहे. त्याचप्रमाणे त्याच्या आगामी  शिव छत्रपती महाराज हा मराठी चित्रपटाचीदेखील चर्चा सध्या रंगत आहे. तसेच तो  निर्मिती करत असलेला आगामी फास्टर फेणे या चित्रपटाचीदेखील चर्चा सोशलमीडियावर रंगत असल्याचे पाहायला मिळत आहे. या चित्रपटात अभिनेत्री पर्ण पेठे, अमेय वाघ, दिलीप प्रभावळकर, सिध्दार्थ जाधव अशा तगडया कलाकारांचा या चित्रपटात समावेश आहे. त्याचप्रमाणे या चित्रपटाचे लिखाण क्षितीज पटवर्धन यांनी केले आहे. त्यामुळे या लाडक्या कलाकारा च्या या आगामी चित्रपटांची वाट प्रेक्षक उत्साहाने पाहातअसल्याचे दिसत आहेत. रितेशला लोकमत सीएनएक्सच्यावतीनदेखील वाढदिवसाच्या भरभरून शुभेच्छा.