मराठी टेलिव्हिजन इंडस्ट्रीत लग्नाचे वारे!, आता ही अभिनेत्री लवकरच बांधणार लग्नगाठ
By ऑनलाइन लोकमत | Published: February 20, 2023 11:00 AM2023-02-20T11:00:38+5:302023-02-20T11:00:58+5:30
मराठी सिनेइंडस्ट्रीत लग्नाचे वारे वाहताना दिसत आहेत. वनिता खरात नंतर आता ही अभिनेत्री लवकरच विवाहबंधनात अडकणार आहे.
मराठी टेलिव्हिजन इंडस्ट्रीत लग्नाचे वारे!, आता ही अभिनेत्री लवकरच बांधणार लग्नगाठ
Next मराठी सिनेइंडस्ट्रीत लग्नाचे वारे वाहताना दिसत आहेत. महाराष्ट्राची हास्यजत्रा शोमधील कॉमेडी क्वीन वनिता खरात नुकतीच लग्नबंधनात अडकली आहे. सहकुटुंब सहपरिवार मालिकेतील पश्या म्हणजेच अभिनेता आकाश नलावडे आपली खास मैत्रीण रुचिका धुरी सोबत शुक्रवारी लग्नगाठ बांधणार आहे. तर शाल्व किंजवडेकर याने साखरपुडा करून अनेकांना चकीत केले आहे. शाल्व नंतर आता अभिनेत्री रश्मी पाटील हिने आपल्या आयुष्यातील खऱ्या जोडीदाराची निवड केली आहे. झी मराठीवरील कारभारी लयभारी या मालिकेत तिने शोना मॅडमची भूमिका केली होती.
रश्मीने तिच्या आयुष्याच्या खऱ्या जोडीदाराची निवड केली असून येत्या काही दिवसातच तिची लग्नाची तारीख जाहीर करण्यात येईल. रश्मी ज्या मुलासोबत लग्न करणार आहे त्याचे नाव अक्षय आहे. जवळच्या खास नातेवाईक आणि मित्रमंडळींसमवेत त्यांच्या लग्न ठरल्याची गोड बातमीने हे सगळे महाराजा कॅफेमध्ये एकत्रित जमले होते. यावेळी रश्मीने अक्षय सोबत काही खास फोटो काढले. Found him असे कॅप्शन देऊन लवकरच लग्न करत असल्याची बातमी तिने सोशल मीडियावर दिली आहे.
यावेळी रश्मी आणि अक्षय यांनी एकमेकांना अंगठी देखील घातली. दोघांचा साखरपुडा पार पडला. रश्मीच्या या बातमीवर कारभारी लयभारीच्या कलाकारांनी तसेच तिच्या चाहत्यांनी तिच्यावर शुभेच्छांचा वर्षाव केला आहे.
रश्मी पाटीलच्या वर्कफ्रंटबद्दल सांगायचं तर तिने कारभारी लयभारी मालिकेत साकारलेल्या शोनाचे पात्र विरोधी असल्यामुळे रश्मीवर प्रेक्षकांचा रोष होता. हीच तिच्या अभिनयाची खरी पावती तिला प्रेक्षकांकडून मिळाली होती. या मालिकेत येण्याअगोदर तिने मॉडेलिंग केले होते. वेगवेगळ्या ब्रँड साठी तिने रॅम्पवॉक सुद्धा केला आहे.
इमॅजिन टीव्हीवरील एका रिएलिटी शोमध्ये तिने सहभाग दर्शवला होता. सौंदर्य स्पर्धेत सहभागी होऊन रश्मीने प्रेक्षकांची पसंती मिळवली होती. रश्मी पाटील हिला आभिनयासोबतच नृत्याची विशेष आवड आहे.