मराठी चित्रपटसृष्टीतील अभिनेत्री मीरा जोशीचा वृत्ती चित्रपट प्रेक्षकांच्या भेटीला आला आहे. इंटरनॅशनल फिल्म फेस्टिव्हल ऑफ साउथ एशियामध्ये आज या चित्रपटाचा वर्ल्ड प्रीमिअर झाला आहे. या फेस्टिव्हलमध्ये हा चित्रपट दाखवला जाणार आहे. हा चित्रपट फक्त २४ तासांसाठी उपलब्ध आहे.
वृत्ती चित्रपटाचे दिग्दर्शन एस. अश्विनने केले आहे. या चित्रपटाचे चित्रीकरण उसरणी येथे पार पडले आहे. या चित्रपटाबद्दल मीरा जोशीने सांगितले की, वृत्ती' चित्रपटात मी अंजली नामक प्रमुख भूमिकेत दिसणार आहे. यात माझ्यासोबत अभिनेता अनुराग वरळीकर दिसणार आहे. या चित्रपटात तीन ट्रॅक दाखवण्यात आले आहेत. त्यात लहान मुले, एक विधवा बाई जिला त्या समाजात कमी लेखले जाते. तिसरा ट्रॅक आमचा आहे. ज्यात मी आणि माझ्यासोबत अनुराग वरळीकर मुख्य भूमिकेत आहे. यात पहिल्या किसपर्यंतची जर्नी दाखवण्यात आली आहे. पहिली किस झाल्यानंतर काय घडते, यात दाखवण्यात आले आहे.
या मालिकेबद्दल मीरा जोशीने सांगितले की, आतापर्यंत मालिकेत मी निगेटिव्ह भूमिका केल्या आहेत. मी डान्सर आहे. मला डान्स करायला खूप आवडतं. आतापर्यंत भूमिका केल्या आहेत तिथे थोडीफार डान्सला वाव मिळाली होती. मात्र या मालिकेत एका पायाने अधू असलेल्या तरूणीची भूमिका साकारताना मी दिसणार आहे. त्यामुळे माझ्यासाठी ही खूप चॅलेंजिंग भूमिका आहे.