मराठी चित्रपटसृष्टीतील प्रसिद्ध अभिनेत्री रिंकू राजगुरू हिने सैराट चित्रपटातून एका रात्रीत लोकप्रियता मिळवली. या चित्रपटानंतर तिने कधीच मागे वळून पाहिले नाही. त्यानंतर रिंकू राजगुरूने मराठी सिनेमा आणि हिंदी वेबसीरिजमध्ये काम केले. याशिवाय रिंकू सोशल मीडियावरील फोटोंमुळे चर्चेत असते. नुकताच तिने नवीन लूक केला आहे आणि ती बऱ्याचदा फोटो शेअर करत असते. तिने शेअर केलेल्या फोटो आणि कॅप्शनमधून सर्वांचे लक्ष वेधून घेतले आहे.
रिंकू राजगुरू हिने सोशल मीडिया इंस्टाग्रामवर फोटो शेअर करत म्हटले की, आरसा आपण कसे दिसतो हे दाखवते, पण आपले अंतर्मन दाखवत नाही.रिंकू राजगुरू हिने या फोटोत ऑलिव्ह ग्रीन रंगाचे शर्ट घातले आहे. तिचा नवा लूक खूप छान वाटतो आहे. तिच्या या लूकला चाहत्यांची खूप पसंती मिळते आहे.
याशिवाय ती हिंदी चित्रपट झुंडमध्येदेखील दिसणार आहे. या चित्रपटाचे दिग्दर्शन नागराज मंजुळेने केले आहे. तर या चित्रपटात अमिताभ बच्चन मुख्य भूमिकेत दिसणार आहे. तसेच ती हिंदी वेबसीरिज जस्टिस डिलिव्हर्डमध्येही झळकणार आहे.