Mitali Mayekar : मितालीच्या 'त्या' फोटोवर नेटकऱ्यांनी केले ट्रोल, अभिनेत्रीने थेट कमेंट सेक्शनच केला बंद

मराठी अभिनेत्री मिताली मयेकर हिने काल इन्स्टाग्रामवर न्यूड फोटो शेअर करत सर्वांनाच धक्का दिला.

Mitali Mayekar :  मराठी अभिनेत्री मिताली मयेकर हिने काल इन्स्टाग्रामवर न्यूड फोटो शेअर करत सर्वांनाच धक्का दिला. मितालीने शॉवर घेतानाचा पाठमोरा फोटो शेअर केला. ती नुकतीच मध्य प्रदेशच्या कान्हा अभयारण्यात जंगल सफारीचा आनंद घेऊन आली. तेव्हाचा हा फोटो तिने पोस्ट केला आहे. तर हा फोटो तिचा नवरा अभिनेता सिद्धार्थ चांदेकरनेच काढला आहे. मात्र फोटोवर केलेल्या ट्रोलिंगला कंटाळून मितालीने थेट कमेंट सेक्शनच ऑफ केला आहे.

मितालीने मध्य प्रदेशातून परतल्यानंतर हा फोटो पोस्ट केला आहे. 'Unholy' (अनहोली) असं कॅप्शन तिने फोटोला दिले आहे. हा खूपच बोल्ड फोटो दिसतोय. कारण यात मिताली ओपन बाथरुम मध्ये शॉवर घेत आहे. तिने दिलेली पाठमोरी पोजही खूपच बोल्ड दिसत आहे.

या फोटोवर सिद्धार्थनेही कमेंट केली होती, 'काय पण हे फोटोस टाकणं. मी एवढ्या लांब असताना.' यासोबतच एक हार्ट इमोजीही टाकले आहे. तर यावर पत्नी मिताली म्हणते,'इशारे समज आणि परत ये' अशी कमेंट तिने केली आहे. नवरा बायकोच्या या रोमॅंटिक संभाषणाची चाहत्यांनीही तितकीच मजा घेतली. मात्र अचानक मितालीने कमेंट सेक्शनच बंद केला.

'लाज वाटली पाहिजे, तुमच्या अशा वागण्यामुळेच मुली सुरक्षित नाही' अशी टीका करणारी कमेंट एकाने केली. तर अंघोळ करायला एवढ्या लांब कोणी जातं का अशीही कमेंट करत मितालीची खिल्ली उडवण्यात आली. ती या बोल्ड फोटोमुळे प्रचंड ट्रोल झाली. मग काय मितालीने थेट कमेंट सेक्शनच बंद केला आहे. याआधी स्पृहा जोशी, प्राजक्ता माळी, सई ताम्हणकर या अभिनेत्रींनाही बोल्ड फोटोंमुळे ट्रोलिंगचा सामना करावा लागला आहे.