बॉलिवूड अभिनेता इरफान खानच्या अचानक आलेल्या निधनाच्या वृत्तामुळे बॉलिवूडकरांना धक्का बसला आहे आणि सिनेइंडस्ट्रीत शोककळा पसरली आहे. त्याच्या अचानक जाण्याचे वृत्त त्याच्या चाहत्यांना व सहकलाकारांच्या मनाला चटका लावून गेले आहे. तीन दिवसांपूर्वीच इरफान खानची आई सईदा बेगम यांच्या निधनाचे वृत्त समोर आले होते. त्या 80 वर्षांच्या होत्या आणि लॉकडाउनमुळे त्यांच्या अंत्यदर्शनाला इरफानला जाता आले नव्हते. त्यामुळे त्याने व्हिडिओ कॉलद्वारे आईचे अंत्यदर्शन घेतले होते. त्यात आज इरफान खानच्या निधनाचे वृत्त समोर आल्यामुळे सर्वांना धक्का बसला आहे.
इरफान खानच्या आईच्या निधनाचे वृत्त त्याच्या जवळचे मित्र दिग्दर्शक शूजित सरकार यांनी सांगितले होते. ते म्हणाले होते की, इरफान खानची आई अनेक दिवसांपासून आजारी होत्या. वयाच्या ८० व्या वर्षी त्यांनी अखेरचा श्वास जयपुरच्या आपल्या घरी घेतला.