बॉलिवूड अभिनेता नवाजुद्दीन सिद्दीकी (Nawazuddin Siddiqui) आणि अवनीत कौर(Avneet Kaur)चा आगामी चित्रपट टिकू वेड्स शेरु(Tiku Weds Sheru)चा ट्रेलर नुकताच रिलीज झाला आहे. ट्रेलर रिलीज होताचा वादाच्या भोवऱ्यात अडकला आहे. या चित्रपटाच्या ट्रेलरमध्ये ४९ वर्षीय नवाजुद्दीन सिद्दीकी आणि २१ वर्षीय अवनीत कौर यांचा किसिंग सीन दाखवला आहे. हा सीन पाहून लोक संतापले आहेत. सोशल मीडियावर भडकलेले लोक फक्त नवाजुद्दीन सिद्दीकी, अवनीत कौर आणि निर्माती कंगना राणौतवर संतापलेले दिसत आहेत.
टीकू वेड्स शेरु चित्रपटात मुख्य भूमिकेत असलेला नवाजुद्दीन सिद्दीकी २७ वर्षीय लहान अभिनेत्री अवनीत कौर सोबत लिपलॉक करताना दिसत आहे. हे पाहून लोक भडकले आहेत. चित्रपटाचा ट्रेलर पाहून प्रत्येक जण कास्टिंगवर प्रश्न उपस्थित केले जात आहे. लोकांचं म्हणणं आहे की, दोघांच्या वयात इतकी तफावत आहे जी स्क्रीनवरही स्पष्ट दिसत आहे. दुसऱ्या युजरने सोशल मीडियावर लिहिले की, अवनीत नवाजपेक्षा २८ वर्षे लहान आहे. ती त्याच्या मुलीच्या वयाची आहे. या लोकांना जराही लाज वाटत नाही का? तर आणखी एका युजरने लिहिले की, माहित नाही काय विचार करुन अवनीत आणि नवाजुद्दीनचं एकत्र कास्टिंग केले आहे.
टीकू वेड्स शेरु चित्रपटाची कथाकंगना राणौत निर्मित टीकू वेड्स शेरू चित्रपटात नवाजुद्दीन सिद्दीकी आणि अवनीत कौर मुख्य भूमिकेत आहेत. हा चित्रपट एक रोमँटिक कॉमेडी आहे. यात दोन जणांची कथा दाखवण्यात आली आहे. जे अभिनयात करिअर करण्याचे स्वप्न उराशी बाळगून मुंबईत येतात. चित्रपटात शिराज उर्फ शेरु जो भोपाळमधून एक स्वप्न घेऊन मुंबईत येतो आणि चांगल्या जीवनाच्या शोधात असतो. तर टीकू पण असाच विचार करत असते. मात्र दोघांचे प्लानिंग वेगवेगळे आहे.