साऊथची सुपरस्टार नयनतारा (Nayanthara)नुकतीच शाहरुख खान(Shah Rukh Khan)सोबत 'जवान' चित्रपटात दिसली होती. या चित्रपटात नयनताराने पोलिसाची भूमिका साकारली होती. या अभिनेत्रीने 'जवान'मध्ये आपल्या अभिनयाने लोकांची मने जिंकली होती. सध्या नयनतारा चर्चेत आली आहे. वास्तविक, नयनताराने प्लास्टिक सर्जरी केल्याचे रिपोर्ट्समध्ये बोलले जात आहे. अलीकडेच अभिनेत्रीने प्लास्टिक सर्जरीच्या या अफवा फेटाळून लावल्या आहेत. नयनतारा म्हणाली की, आहारातील बदलामुळे माझ्या चेहऱ्यावर बदल होत आहेत.
अभिनेत्री नयनताराने हॉटरफ्लायला दिलेल्या मुलाखतीत सांगितले की, तिला आयब्रोज परफेक्ट बनवायला आवडतात. ती म्हणाली की, 'आयब्रो परिपूर्ण व्हायला वेळ लागतो कारण हेच खरे गेम चेंजर्स आहेत. वर्षानुवर्षे, मी माझ्या आयब्रोजचे शेप वेगवेगळ्या प्रकारचे केले आहेत. कदाचित यामुळे माझा चेहरा बदललेला दिसतो आणि मी लोकांना वेगळी दिसतो. कदाचित म्हणूनच मी माझ्या चेहऱ्यावर काहीतरी केले आहे असे बहुतेकांना वाटते.
प्लास्टिक सर्जरीचे आरोप लावले फेटाळून
प्लास्टिक सर्जरीच्या आरोपांवर नयनतारा म्हणाली, 'हे खरे नाही, हे पूर्णपणे चुकीचे आहे, मी फक्त हेल्दी डाएट फॉलो करते, ज्यामुळे माझ्या चेहऱ्यावर चमक येते, तुम्ही माझ्या चेहऱ्यावर चिमटा काढा आणि माझा चेहरा जाळून पाहू शकता प्लास्टिक नाही'. नयनताराला अशाप्रकारे ट्रोल होण्याची ही पहिलीच वेळ नाही. यापूर्वीही तिला अनेकदा अशाच आरोपांना सामोरे जावे लागले आहे. नयनताराने ९ जून २०२२ रोजी चित्रपट दिग्दर्शक विघ्नेश सिवनशी लग्न केले आणि त्यांना जुळी मुले (उर आणि उलाग) आहेत.