‘इंडियन आयडल’चे 11 वे सीझन लवकरच प्रेक्षकांच्या भेटीस येणार आहे. तूर्तास या सीझनचा ऑडिशन राऊंड सुरु आहे. या सीझनमध्येही नेहा कक्कर, विशाल ददलानी आणि अनु मलिक परिक्षकाच्या भूमिकेत आहेत. तूर्तास ‘इंडियन आयडल 11’ची सोशल मीडियावर चांगलीच चर्चा होते. ती का तर नेहा कक्कर हिच्या इमोशन्समुळे. होय, ऑडिशन राऊंडमध्ये नेहा वेळोवेळी इमोशनल होताना दिसतेय. सध्या सोशल मीडियावर तिच्या या ‘इमोशन्स’ची चर्चा आहे. इतकी की, सोशल मीडियावर मीम्सचा पाऊस पडतोय.
इंडियन आयडॉल 10 नंतर नेहा ब्रेकअपमुळे चर्चेत आली होती. तिचे आणि अभिनेता हिमांश कोहली यांचे ब्रेकअप कधी नव्हे इतके गाजले होते. या ब्रेकअपनंतर नेहा सैरभैर झाली होती. साहजिकच या दु:खातून सावरायला तिला बराच वेळ लागला. पण आता ती यातून पूर्णपणे बाहेर पडली आहे.