अभिनता व मॉडेल मिलिंद सोमण फिटनेससाठी ओळखला जातो. त्याचे देशभरात खूप चाहते आहेत. वयाच्या ५३ व्या वर्षातदेखील तो अशी एक्सरसाईज करतो की जी पाहून तरूण वर्गदेखील चक्रावून गेले आहेत. मदर्स डेच्या निमित्ताने मिलिंदने एक व्हिडिओ सोशल मीडियावर शेअर केला आहे. ज्यात त्याने त्याच्या ८० वर्षीय आईला साडीत पुश अप्स मारण्याचे चॅलेंज दिले आहे. इतकेच नाही तर या पोस्टच्या माध्यमातून मिलिंद सोमणने महिलांना फिट राहण्याची विनंती केली आहे.
मिलिंद सोमणने सर्व आईंना मदर्स डेच्या शुभेच्छा देत एक स्पेशल व्हिडिओ शेअर केला आहे. या व्हिडिओमध्ये त्याची ८० वर्षीय आई उषा पुशअप्स करताना दिसत आहेत. मिलिंद सोमण 53 वर्षाचा असून त्याची आई नेहमीच त्याला फिटनेस चॅलेंज देत असते. यामुळेच त्याने मदर्स डेच्या निमित्ताने आईला चॅलेंज दिले आहे.
मिलिंदला फक्त त्याच्या आईचीच नाही तर त्याची पत्नी अंकिता कुंवरचीदेखील साथ पहायला मिळते.