बॉलिवूड अभिनेत्री परिणीती चोप्रा गेल्या महिन्यात प्रदर्शित झालेल्या केसरी चित्रपटात झळकली होती. या चित्रपटात तिने अक्षय कुमारच्या पत्नीची भूमिका साकारली होती. या चित्रपटाला प्रेक्षकांचा खूप चांगला प्रतिसाद मिळाला. आता परिणीती चोप्राच्या वाट्याला मोठा प्रोजेक्ट आला आहे. ती हॉलिवूड चित्रपट 'द गर्ल ऑन द ट्रेन'च्या हिंदी रिमेकमध्ये दिसणार असल्याचे सूत्रांकडून समजते आहे.
टाईम्स नाऊच्या रिपोर्टनुसार, परिणीती चोप्रा लवकरच हॉलिवूडचा मिस्ट्री थ्रिलर चित्रपट 'द गर्ल ऑन द ट्रेन'च्या हिंदी रिमेकमध्ये झळकताना दिसणार आहे. या चित्रपटात ती घटस्फोटीत महिलेच्या भूमिकेत दिसणार असून हरवलेल्या व्यक्तीच्या शोध घेण्यासाठी सहभागी असते. ती हॉलिवूडपटात एमिली ब्लंटने साकारलेली भूमिका परिणीती साकारणार आहे. या चित्रपटातील या भूमिकेसाठी एमिलीचे समीक्षकांनी खूप कौतूक केले होते. हॉलिवूड चित्रपट 'द गर्ल ऑन द ट्रेन' पॉला हॉकिन्सने लिहिलेल्या कथेवर आधारीत आहे.
यापूर्वी मी अशी भूमिका केलेली नाही, असे परिणीतीने सांगितले.
या चित्रपटाचे दिग्दर्शत रिभु दासगुप्ताने परिणीतीला सांगितले की, ही खूप भावनिक भूमिका असून भयावहही आहे.