बॉलिवूडमध्ये कुणाचं ब्रेकअप होईल आणि कोणाचे नातं जुळेल हे सांगता येत नाही. मागील काही दिवसांपासून कतरिना कैफचं नाव विकी कौशलसोबत चर्चेत आहे. ते दोघं एकमेकांना डेट करत असल्याचं बोललं जात आहे. मात्र अद्याप त्या दोघांनी या वृत्ताला दुजारो दिलेला नाही. यादरम्यान कतरिना व विकी कौशलचे नवीन फोटो चर्चेत आले आहेत. त्या दोघांना काल रात्री फ्रेंडच्या डिनर पार्टीमध्ये पाहिलं होतं.
ही पार्टी अली अब्बाज जफरच्या वाढदिवसाच्या निमित्ताने होती जी मुंबईतील त्याच्या घरी होती. या पार्टीत कित्येक बॉलिवूडचे स्टार आले होते पण सगळ्यांचे लक्ष त्या दोघांवरच टिकून राहिले होते. या पार्टीत ते दोघं वेगवेगळे गेले होते. दोघांनी एकत्र फोटो काढले नाहीत. पण एकत्र खूप धमालमस्ती केली. या दोघांचे फोटो सोशल मीडियावर चर्चेत आले आहेत.