छोट्या पडद्यावरील लोकप्रिय अभिनेत्री श्वेता तिवारी (Shweta Tiwari) हिची गणना कायम टॉप अॅक्ट्रेसमध्ये केली जाते. श्वेता तिच्या प्रोफेशनल लाइफपेक्षा वैयक्तिक जीवनामुळे सर्वाधिक वेळा चर्चेत आली. परंतु, आता तिच्यासोबतच तिच्या लेकीची म्हणजेच पलक तिवारीचीदेखील (Shweta Tiwari Daughter) नेटकऱ्यांमध्ये चर्चा रंगू लागली आहे. श्वेतासोबतच अनेकदा पलक सोशल मीडियावर चर्चेचा विषय ठरत असते. यात खासकरुन तिची पार्टी लाइफ, तिचं ग्लॅमरस राहणीमान यामुळे ती प्रकाशझोतात येते. कायम कौतुकांचा वर्षाव पाहणाऱ्या पलकला यावेळी ट्रोलिंगचा सामना करावा लागत आहे. एका गरीब महिलेसोबत चुकीचं वर्तन केल्यामुळे नेटकऱ्यांनी पलकला ट्रोल केलं आहे.
गेल्या काही दिवसांपासून पलक, अभिनेता सैफ अली खानचा (Saif Ali Khan) लेक इब्राहिम अली खान (Ibrahim Ali Khan) याच्यामुळे चर्चेत येत आहे. या दोघांच्या रिलेशनच्या अफवादेखील सोशल मीडियावर पसरल्या आहेत. अनेकदा या जोडीला एकत्र स्पॉट करण्यात येतं. यावेळीदेखील हे दोघं रात्री एका रेस्टॉरंटबाहेर स्पॉट झाले. इतकंच नाही तर यावेळी त्यांनी एका गरीब महिलेला दिलेल्या वागणुकीमुळे दोघंही ट्रोल झाले आहेत.
पलक-इब्राहिमने काय केलं या महिलेसोबत?
व्हायरल होत असलेल्या व्हिडीओ 'जाजूस 007' या युट्यूब पेजवर शेअर करण्यात आला आहे. यामध्ये पलक-इब्राहिम एका रेस्टॉरंटमधून बाहेर पडल्यानंतर काही गरीब महिला, मुलांनी त्यांच्याभोवती फेर धरला व त्यांच्याकडे पैसे मागू लागले. मात्र, या दोघांनीही त्यांना पैसे न देता त्यांच्याकडे दुर्लक्ष केलं. इतकंच नाही तर, इब्राहिम त्याच्या कारमध्ये बसल्यानंतर त्याच्या कपाळावर आठ्याही पडल्याचं पाहायला मिळालं. त्यामुळे लोकांनी या दोघांना ट्रोल केलं आहे.