सध्या सोशल मीडियावर 'पंचायत २' (Panchayat 2) या वेबसीरीजची जोरदार चर्चा सुरू आहे. या वेबसीरीजमधील एक-एक भूमिका गाजत आहे. सोबतच या शोच्या कंटेंट आणि दिग्दर्शकाचीही चर्चा होत आहे. कोणतीही मारधाड, कोणतीही बोल्ड दृश्य, झगमगाट नसूनही ही वेबसीरीज लोकांच्या मनात घर करत आहे. अशात या वेबसीरीजचा दिग्दर्शक कोण आहे याची उत्सुकता सर्वांना लागली आहे.
तुम्हाला TVF ची परोडी सीरीजमधील 'रघु राम' आठवत असेलच. दीपक कुमार मिश्रा (Deepak Kumar Mishra) हीच ती व्यक्ती आहे. दीपक कुमार मिश्राने अनेक वेबसीरीजचं दिग्दर्शन केलं आहे आणि काही भूमिकाही केल्या आहेत. याने 'पंचायत २' चं दिग्दर्शन केलं आहे.
सध्या सोशल मीडियावर दीपक कुमार मिश्राची जोरदार चर्चा आहे. नेटिजन्सने या शानदार वेबसीरीजच्या दमदार दिग्दर्शकाबाबत अनेक गोष्टी शोधून काढल्या आहेत. ट्विटरवर मीम्सच्या माध्यमातून त्याच्या टॅलेंटचं कौतुक करत आहे. एकापेक्षा एक भारी मीम्स दीपक कुमार मिश्रावर शेअर होत आहेत.
यूजर्सने काही वेळातच दीपक कुमार मिश्राबाबतचे किस्से शोधून काढले आहेत. हा टॅलेंटेड दिग्दर्शक 'कोटा फॅक्टरी'च्या ओपनिंग सीनमध्ये ऑटो चालवताना दिसला आहे. 'परमानेंट रूममेट्स' मध्ये मिश्राच्या शानदार स्क्रीप्टमध्ये कॉमेटिंग करणारा व्यक्ती हाच दीपक कुमार मिश्रा होता.