बॉलिवूड अभिनेत्रीला दोन वेळा आलाय कास्टिंग काऊचचा अनुभव, म्हणाली, 'आऊटडोरला तर...'

1 / 8

अभिनेत्री ईशा गुप्ताने (Esha Gupta) आपल्या सौंदर्याने आणि अभिनयाने चाहत्यांना प्रभावित करते. ईशा सध्या फारशी चित्रपटात दिसत नसली तरी ती सोशल मीडियाव अॅक्टिव्ह असते.

2 / 8

नुकतंच ईशाने इंडस्ट्रीत होत असलेल्या कास्टिंग काऊचवर भाष्य केलं आहे. ईशाला स्वत:ला अशा भयानक अनुभवांना सामोरं जावं लागलं आहे. एकदा एका फिल्ममेकरने तिच्याकडे सेक्शुअल फेवर मागितलं आणि तिने नकार दिला होता.

3 / 8

या घटनेबद्दल सविस्तर सांगताना ईशा म्हणाली,'सिनेमाचं शूट अर्ध पूर्ण झालं होतं. मी जेव्हा नकार दिला तेव्हा को-मेकरने मेकरला सांगितले की त्याला मला या फिल्ममध्ये बघायचंच नाही. मी सेटवर काय करत आहे? यानंतर काही मेकर्सने तर मला सिनेमात घ्यायलाही नकार दिला.

4 / 8

मी असं ऐकलं होतं लोक माझ्याबद्दल बोलतात की मी काही करणारच नाही तर मला सिनेमात घेऊन त्यांचा काय फायदा? पण नेहमीच अशा गोष्टींना नकार देत आले आहे.

5 / 8

आणखी एक घटना सांगताना ईशा म्हणाली,'एकदा आम्ही शूटिंगनिमित्त आऊटडोरला गेलो होतो. २ लोकांनी कास्टिंग काऊचचा प्लॅन केला होता. मी हे आधीच समजले होते. पण तरी मी सिनेमा करत होते.

6 / 8

त्यांना वाटलं आऊटडोर शूटला ते मला जाळ्यात ओढतील. पण मी सुद्धा हुशार आहे, मी तिथे रात्री एकटी झोपणार नाही असं सांगितलं. मी माझ्या फिमेल मेकअप आर्टिस्टला माझ्या खोलीत झोपायला बोलावलं.

7 / 8

ईशा असंही म्हणाली की, 'हे लोक स्टारकिड्ससोबत अशा गोष्टी करत नाहीत. कारण त्यांचे आईवडील त्यांना सोडणार नाहीत. त्या लोकांना वाटतं आम्हाला काम पाहिजे म्हणजे आम्हीही काहीही करायला तयार होतो.

8 / 8

ईशाला नुकतंच 'वन डे:जस्टिस डिलीव्हर्ड' मध्ये पाहिलं गेलं. तर आता ती 'देसी मॅजिक' मध्ये दिसणार आहे. याशिवाय तिच्याकडे दीपक तिजोरीची 'टिप्सी' आणि 'हेरा फेरी 3' देखील आहे.