"मासे खाल्ल्यावर डोळे ऐश्वर्यासारखे होतात", मंत्रीमहोदयाचं अजब विधान

1 / 9

सोशल मीडियाच्या जमान्यात बोलणं, त्यातली त्यात काहीही बोलण्याची स्पर्धाच लागल्याचं पाहायला मिळत आहे. मात्र, जेव्हा जबाबदार व्यक्तींकडून अशी विधानं केली जातात, तेव्हा त्यांची सर्वत्र चर्चा होते.

2 / 9

राजकीय व्यक्तींकडून, बड्या नेत्यांकडूनही अजब-गजब विधानं केली जातात. यापूर्वी मंत्री गुलाबराव पाटील यांनी अभिनेत्री हेमा मालिनी यांच्याबद्दल विधान केलं होतं.

3 / 9

आता, भाजपा नेते आणि मंत्री विजयकुमार गावित यांनी अभिनेत्री ऐश्वर्या रायबद्दल असंच विधान केलंय. सध्या ते आदिवासी विकास खात्याचे मंत्री आहेत.

4 / 9

''नियमित मासे खाल्ल्यामुळेच ऐश्वर्या रायचे डोळे सुंदर झाले'' असं विधान विजयकुमार गावित यांनी केलंय. मासे खाण्याचे फायदे सांगताना भावनेच्या भरात गावित यांनी ऐश्वर्या रायच्या डोळ्यांचे उदाहरण दिलं.

5 / 9

''तुम्ही ऐश्वर्या राय बघितली ना? त्यांनी काही सांगितलं की नाही ऐश्वर्या रॉयबद्दल? ती समुद्राच्या किनारी राहणारी. बेंगलोरची समुद्राच्या किनारी राहणारी.

6 / 9

ती दररोज मासे खायची. बघितले ना तिचे डोळे? तसे तुमचेही डोळे होणार. हाही एक फायदा आहे'', असे म्हणत विजयकुमार गावित उपस्थितांना मासे खाण्याचे फायदे सांगितले.

7 / 9

मासे खाल्ले ना तर बाईमाणूस चिकनी दिसायला लागतात, असेही गावित यांनी म्हटलं. माशात एकप्रकारचं तेल असतं. त्या तेलामुळे त्वचाही चांगली दिसते, असे फायदे गावित यांनी सांगितले.

8 / 9

धुळे जिल्ह्यातील अंतूर्ली येथे आदिवासी मच्छिमार बांधवांना मासेमारीचे साहित्य वाटप कार्यक्रमाचे आयोजन करण्यात आले होते. यावेळी विजय कुमार गावित यांनी हे वक्तव्य केले.

9 / 9

विशेष म्हणजे गावित यांच्या भाषणावेळी मंचावर त्यांच्या कन्या डॉ. सुप्रिया गावितही उपस्थित होत्या. मात्र, भावनेच्या भरात उपस्थित जनसमुदायाला मार्गदर्शन करताना त्यांनी मासे आणि ऐश्वर्या रायचे उदाहरण दिलं.