'मला जीवे मारण्याचा प्रयत्न झाला..', तनुश्री दत्ताचा पुन्हा एकदा धक्कादायक खुलासा
By ऑनलाइन लोकमत | Published: September 23, 2022 11:45 AM
1 / 7बॉलिवूड अभिनेत्री तनुश्री दत्ता कायमच चर्चेत येत असते. आशिक बनाया आपने या चित्रपटातून तिला प्रसिद्धी मिळाली. मात्र ती बऱ्याच मोठ्या कालावधीनंतर रुपेरी पडद्यावर पाहायला मिळाली नाही.2 / 7तनुश्री दत्ता २०२० साली हॅशटॅग मीटू चळवळीमुळे चर्चेत आली होती. यावेळी तिने चित्रपटाच्या शूटिंगदरम्यान गैरवर्तन केल्याचा आरोप अभिनेता नाना पाटेकर यांच्यावर केला होता. 3 / 7आता तनुश्री दत्ताने तिला जीवे मारण्याचा प्रयत्न झाल्याचा धक्कादायक खुलासा एका मुलाखतीत केला आहे. कनेक्ट एफएम कनडाला तनुश्री दत्ताने दिलेल्या मुलाखतीत हा खुलासा केला आहे.4 / 7तनुश्री दत्ताने ती उज्जैनमध्ये असताना घडलेल्या घटनेचाही यावेळी उल्लेख केला. मी उज्जैनमध्ये असताना माझ्या गाडीचे ब्रेक फेल करण्यात आले होते. याचदरम्यान माझ्या गाडीचा भयंकर अपघात झाला होता. 5 / 7या अपघातात मला गंभीर दुखापत झाली होती. रक्तस्राव झाल्याने मला यातून पूर्णपणे बरे होण्यासाठी काही महिन्यांचा कालावधी लागला होता”, असं तनुश्री म्हणाली.6 / 7काही महिन्यांपूर्वी तनुश्रीने तिच्याबरोबर घडणाऱ्या घटनांसाठी नाना पाटेकर यांच्यावर आरोप केले होते. 7 / 7जर माझ्याबरोबर काही अघटित घडलं तर त्यासाठी नाना पाटेकर आणि बॉलिवूडमधील त्यांचे मित्र जबाबदार असतील, असेही ती म्हणाली होती.