फुल्ल टू राडा! अंकिता लोंखडे, मनारा चोप्रा, मुनव्वर फारुकी...,हे आहेत बिग बॉस 17 चे स्पर्धक

होय, बिग बॉस प्रेमींची प्रतीक्षा संपलीये. आज ‘बिग बॉस 17’चा धमाकेदार प्रीमिअर झाला आहे. बिग बॉसच्या घरात कोण कोण गेलं आहे, याची उत्सुकता तुम्हाला असणारच. तर मग बिग बॉस प्रेमींसाठी आम्ही बिग बॉसच्या स्पर्धकांची यादी घेऊन आलो आहोत.

मनारा चोप्रा ही बिग बॉसच्या घरात एन्ट्री घेणारी पहिली सदस्य ठरली. तिला बिग बॉसच्या तीन घरांपैकी तिच्या आवडत्या घरात राहण्याची संधीही देण्यात आली. मनारा ही बॉलिवूड अभिनेत्री प्रियांका चोप्रा आणि परिणीती चोप्रा यांची चुलत बहीण आहे.

स्टँडअप कॉमेडियन मुनव्वर फारुकीने 'बिग बॉस'च्या घरात एन्ट्री घेतली आहे. मुनव्वर 'बिग बॉस'च्या घरात चाहत्यांचं किती मनोरंजन करतो, हे पाहणं औत्सुक्याचं ठरलं आहे. मुनव्वर फारुकी ‘लॉक अप’चा पहिला विजेता ठरला. ‘लॉकअप’ या शोचा विजेता ठरलेल्या मुनव्वर फारुकी 'बिग बॉस'च्या ट्रॉफीवर नाव कोरणार का? हे पाहावं लागेल.

लंडनचा रहिवासी असलेला नावेद सोल हा बिग बॉस 17 मध्ये दाखल झाला. लंडनचा रहिवासी असलेल्या नावेद सोलचा जन्म इटलीत झाल्याचं त्यानं सांगितलं. त्याला हिंदी येत नसून तो तोडक्या मोडक्या हिंदीत बोलताना दिसला. यावेळी सलमानने त्याला 'इंग्लिश बाबू' असे संबोधलं. आता बिग बॉसच्या या घरात 'इंग्लिश बाबू' काय धुमाकूळ घालणार याकडे प्रेक्षकांचं लक्ष लागलं आहे.

'बिग बॉस'च्या घरात टीव्ही माध्यमातील लोकप्रिय जोडपं नील भट्ट आणि ऐश्वर्या शर्माने एन्ट्री घेतली आहे. छोट्या पडद्यावरुन प्रेक्षकांना भुरळ घालणारे ऐश्वर्या आणि नील आता 'बिग बॉस १७'मधून चाहत्यांचं मनोरंजन करणार आहेत.

'पवित्र रिश्ता' मालिकेतून लोकप्रियता मिळवलेली अभिनेत्री म्हणजे अंकिता लोखंडे. अर्चना हे पात्र साकारून घराघरात पोहोचलेल्या अंकिताने आता 'बिग बॉस'च्या घरात धमाकेदार एन्ट्री घेतली आहे. अंकिताने पती विकी जैनसह 'बिग बॉस १७'च्या घरात पाऊल टाकलं. 'बिग बॉस'च्या घरात मराठमोळ्या अंकिताला पाहून चाहत्यांच्याही भुवया उंचावल्या आहेत.

जिग्ना व्होरा क्राईम रिपोर्टर असून तिने मुंबई मिरर, फ्री प्रेस जर्नल आणि मिड डेसाठी काम केले आहे. आपल्या मुलाच्या आग्रहामुळे तिने या शोमध्ये भाग घेण्यास होकार दिल्याचं तिनं सांगितलं. जिग्ना वोरावर छोटा राजनसोबत मिळून पत्रकार जे. डे यांच्या हत्येचा कट रचल्याचा आरोप होता. अलीकडेच हंसल मेहताने त्याच्यावर 'स्कूप' नावाची वेबसीरिजही बनवली होती.

ड्रग्ज पार्टी प्रकरणात बॉलीवूड अभिनेता शाहरुख खानचा मुलगा आर्यन खानची वकिल सना रईस खानने बिग बॉसच्या घरात एन्ट्री घेतली आहे.

बिग बॉसच्या घरात बाईक रायडर अनुराग डोभालने पाऊल ठेवलं आहे. अनुराग डोभाल हा एक प्रसिद्ध युट्यूबर आहे. तो बाईक रायडर म्हणूनही ओळखला जातो. अनुराग डेहरादूनचा आहे. बाबू भैय्या या नावानेही तो ओळखला जातो. पहिल्यांदाच बिग बॉसच्या घरात एका बाईक रायडरची एन्ट्री झाली आहे.

अभिनेत्री रिंकू धवनची 'बिग बॉस 17'च्या घरात एन्ट्री झाली. रिंकू धवनला सोडण्यासाठी तिची आई मंचावर आली होती. रिंकू धवन गेल्या ३० वर्षांपासून टीव्हीवर सक्रिय आहे.

फिरोझा खान उर्फ खानजादी ही 'बिग बॉस १७' मध्ये दाखल झाली आहे. बिग बॉस ओटीटी सीझन 2 मधील वादग्रस्त स्पर्धक जैद हदीदसोबत रिलेशनशिपमध्ये होती. मात्र, त्यांच्या ब्रेकअपच्या बातम्याही समोर आल्या आहेत.

तहलका भाई म्हणून लोकप्रिय असलेल्या सनी आर्याने बिग बॉसच्या घरात प्रवेश केला आहे. सनी आर्या हा सोशल मीडिया इन्फल्यूएंसर आहे.

हैदराबादचा अरुण महाशेट्टी 'बिग बॉस 17'च्या घरात दाखल झाला आहे. तो एक प्रसिद्ध युट्युबर आहे. त्यांची चाहत्यांमध्ये चांगलीच क्रेझ आहे.

बिग बॉसच्या घरात यायचं असेल तर कॉन्ट्रोव्हर्सी ही हवीच. टीव्हीवरील एक्स कपल म्हणून चर्चेत असलेले अभिनेत्री इशा मालवीय आणि अभिषेक कुमार बिग बॉस’च्या घरात लॉक झाले आहेत. इशा आणि अभिषेक 'उडारियां' या मालिकेमध्ये मध्ये होते आणि दोघांचं बाँडिंगही खूपच चांगलं होतं. शूटिंगदरम्यान ते एकत्र वेळ घालवत असत. मात्र, आता दोघांमध्ये सर्व काही ठिक नसल्याचं दिसून आलं.

सोनिया बन्सल ही व्यवसायाने अभिनेत्री आणि मॉडेल आहे. हिंदी व्यतिरिक्त त्यांनी काही तेलुगू चित्रपटांमध्येही काम केले आहे. चित्रपटांव्यतिरिक्त ती अनेक म्युझिक अल्बममध्येही दिसली. गॉडफादरशिवाय तिने अभिनय क्षेत्रात स्थान निर्माण केलं आहे. आता ती बिग बॉसमध्ये आपला दरारा निर्माण करु शकते की नाही, हे येत्या काळातच कळेल.