सासूबाईपेक्षाही वयाने मोठा आहे मिलिंद सोमण, अंकिताच्या कुटुंबीयांनी यामुळे दिला लग्नासाठी होकार

मेड फॉर इच अदर...! पाहा अंकिता व मिलिंदचे रोमॅन्टिक फोटो

मिलिंद सोमन भारताच्या सुपरमॉडेल्सपैकी एक आहे. मिलिंदने स्वत:पेक्षा 26 वर्षांनी लहान अंकिता कंवरसोबत लग्न केले, तेव्हा सगळ्यांच्याच भुवया उंचावल्या होत्या. 2018 मध्ये अंकिता व मिलिंद यांनी लग्न केले,त्यावेळी मिलिंद 52 वर्षांचा तर अंकिता 26 वर्षांची होती.

आज मिलिंदचा वाढदिवस, यानिमित्ताने त्याची व अंकिताची लव्हस्टोरी आम्ही तुम्हाला सांगणार आहोत. तर अंकिता व मिलिंदची पहिली भेट झाली होती ती चेन्नईच्या एका हॉटेलात. त्यावेळी अंकिता एअरहोस्टेस होती. या पहिल्या भेटीतच दोघांना एकमेकांबद्दल काही खास जाणवते.

त्यावेळी अंकिताच्या बॉयफ्रेन्डचा मृत्यू झाला होता. बॉयफ्रेन्डच्या अकाली निधनाच्या धक्क्याने ती आतून कोलमडली होती. अशा स्थितीत मिलिंद तिच्या आयुष्यात आला. मिलिंदने अंकिताला आधार दिला आणि तिला भूतकाळ विसरासला मदत केली.

लवकरच अंकिता व मिलिंदने लग्नाचा निर्णय घेतला. पण लग्नाच्या या निर्णयाला अंकिताच्या कुटुंबाने जोरदार विरोध केला. कारण होते दोघांच्या वयातील फरक़

मिलिंद हा अंकिताच्या आईपेक्षाही एका वर्षाने मोठा होता. अंकितापेक्षा 26 वर्षांनी मोठा होता. साहजिकच अंकिताच्या आईवडिलांनी या लग्नाला नकार दिला.

पण अंकिता ठाम होती. अखेर तिच्या जिद्दीपुढे आईवडिलांनी हार मानली आणि ते मिलिंदला भेटायला तयार झालेत.

मिलिंद अंकिताच्या आईवडिलांना भेटला आणि या भेटीत त्याने त्यांचे असे काही मतपरिवर्तन केले की, आईवडिलांनी अगदी आनंदाने लग्नाला होकार दिला.

मिलिंद व अंकिता यांचे एकमेकांवरचे प्रेम, एकमेकांबद्दलचा आग्रह हे सगळे पाहून अखेर अंकिताच्या कुटुंबाचा विरोध निवळला.

2006 साली मिलिंदने फ्रेंच अभिनेत्री मेलिन जंपानोई हिच्याशी लग्न केले होते. अंकिता ही मिलिंदची दुसरी पत्नी आहे.

अंकिता मूळची दिल्लीची रहिवाशी असून तिचे खरे नाव सुंकुस्मिता कंवर आहे.

सुप्रसिद्ध मॉडेल, अभिनेता व आर्यन मॅन मिलिंद सोमण आपल्या फिटनेसमुळे नेहमी चर्चेत येत असतो. याशिवाय तो त्याची पत्नी अंकीता कुंवरसोबतच्या फोटोंमुळेही बºयाचदा चर्चेत येत असतो. वयाची पन्नाशी उलटलेली असतानाही मिलिंद सोमण आजही तितकाच तरूण दिसतो.