काय होतं इरफानचं खरं नाव?; तो स्पेलिंगमध्ये का लिहायचा एक्स्ट्रा R?

1 / 11

आपल्या सक्षम आणि दमदार अभिनयानं चित्रपट रसिकांच्या मनात विशेष स्थान निर्माण करणारा अभिनेता इरफान खाननं आज अखेरचा श्वास घेतला.

2 / 11

गेल्या तीन वर्षांपासून इरफान कर्करोगाचा सामना करत होता. काल अस्वस्थ वाटू लागल्यानं इरफान कोकिलाबेन रुग्णालयात दाखल झाला. मात्र उपचारादरम्यान त्याचा मृत्यू झाला.

3 / 11

अवघ्या ५४ व्या वर्षी सगळ्यांच्या मनाला चटका लावून एक्झिट घेणाऱ्या इरफाननं प्रत्येक भूमिका अगदी ताकदीनं साकारली. कोणत्याही प्रकारची भूमिका अतिशय तन्मयतेनं, मन लावून उभी करणारा इरफान अनेकांना भावला.

4 / 11

इरफान एका राजघराण्याशी संबंधित होता. त्याचं पूर्ण नाव साहबजादे इरफान अली खान असं होतं. मात्र याबद्दल कोणालाही फारशी माहिती नाही.

5 / 11

इरफानला त्याचं इतकं मोठं नाव आवडायचं नाही. त्यामुळे त्यानं नावात बदल केला. याशिवाय इरफानच्या स्पेलिंगमध्ये अधिकचा आर लिहिण्यास सुरुवात केली. तो स्वत:चं नाव Irrfan असं लिहू लागला.

6 / 11

नावामध्ये अधिकचा आर लिहिण्यामागे काहीतरी अंकशास्त्र असावं असं अनेकांना वाटलं. मात्र यामागे कोणतंही अंकशास्त्र नव्हतं. अधिकच्या आरमुळे नाव उच्चारताना येणारा आवाज इमरानला आवडायचा.

7 / 11

सलाम बॉम्बे चित्रपटातून इरफान खाननं बॉलिवूडमध्ये पदार्पण केलं. हा चित्रपट १९८८ मध्ये प्रदर्शित झाला.

8 / 11

पहिल्याच चित्रपटात इरफान खानचा सहजसुंदर अभिनय दिसून आला. या चित्रपटात त्यानं पत्र लेखकाची भूमिका साकारली. मीरा नायर यांनी चित्रपटाचं दिग्दर्शन केलं होतं.

9 / 11

ऑस्कर पुरस्कार सोहळ्यात परदेशी भाषेतला सर्वोत्तम चित्रपट या विभागात सलाम बॉम्बेला नामांकन मिळालं होतं. याशिवाय देशविदेशात या चित्रपटाला अनेक पुरस्कारांनी गौरवण्यात आलं.

10 / 11

इरफान खाननं त्याच्या कारकिर्दीत अनेक हिट चित्रपट दिले. ज्यामध्ये हासिल, कसूर, पीकू, द नेमसेक, गुमनाम, रोग, लाइफ ऑफ पाय, हिंदी मीडियम, ब्लॅकमेल, कारवां, पान सिंह तोमर, करीब करीब सिंगल, स्लमडॉग मिलियनेयर यांचा समावेश आहे.

11 / 11

इरफाननं अनेक टीव्ही शोजमध्येही त्याचं अभिनय कौशल्य दाखवलं. छोट्या पडद्यावरही त्याच्या अभिनयाची जादू पाहायला मिळाली.