सोनम कपूरच्या बेबी शॉवरमध्ये दाढी-मिश्या अन् वन पीस घालून आलेला Leo Kalyan आहे तरी कोण?

Sonam Kapoor's baby shower, Leo Kalyan : सोनम कपूर हिच्याकडे गुडन्यूज आहे. नुकतेच तिचं डोहाळे जेवण पार पडलं. ते सुद्धा एकदम थाटात. तिच्या या डोहाळे जेवणाचे फोटो सोशल मीडियावर तुफान व्हायरल झालेत.एका फोटोनं मात्र सर्वांचं लक्ष वेधून घेतलं.

आनंद आहुजासोबत लग्न केल्यानंतर लंडनमध्ये स्थायिक झालेली सोनम कपूर हिच्याकडे गुडन्यूज आहे. नुकतेच तिचं डोहाळे जेवण पार पडलं. ते सुद्धा एकदम थाटात. तिच्या या डोहाळे जेवणाचे फोटो सोशल मीडियावर तुफान व्हायरल झालेत.

एका फोटोनं मात्र सर्वांचं लक्ष वेधून घेतलं. सोनमच्या शेजारी दाढी मिशा असलेल्या आणि टाईट फिट बॉडीकॉन वन पीस घातलेल्या व्यक्तीला पाहून सगळ्यांच्याच भुवया उंचावल्या. हा कोण? असा प्रश्न काही जणांना पडला.

सोनमच्या बेबी शॉवरमध्ये तो खास निमंत्रित होता. सोनमच्या बेबी शॉवरमध्ये त्याने ‘दिल्ली 6’ या चित्रपटातील मस्सकली हे गाणं सादर करत मैफिल सजवली. त्याचं नाव लिओ कल्याण.

हा लिओ कल्याण आहे कोण? तर तर तो दुसरा तिसरा कुणी नसून ब्रिटीश- पाकिस्तानी गायक व संगीतकार लिओ कल्याण आहे. संगीत क्षेत्रात त्याचं मोठं नाव आहे.

2019 मध्ये लंडन फॅशन विकमध्ये मॉडेल म्हणूनही तो मिरवला होता. डिझाइनर रहमूर रहमानसाठी तो रॅम्पवर उतरला होता.

तो समलैंगिक आहे. त्याने त्याची ही ओळख कधीच लपवली नाही. गेल्या 20 वर्षांपासून तो लंडनमध्येच राहतोय.

वयाच्या 13 व्या वर्षापासून त्याने गायला सुरूवात केली. पण त्याच्या घरच्यांना त्याचं गाणं आवडायचं नाही. त्यामुळे त्यांच्यापासून लपवून तो गात राहिला.

2013 साली लंडनमधील ड्रीमी पॉप बँडमधला तो सहभागी झाला होता. तरूणाईत लिओ चांगलाच लोकप्रिय आहे. जगभर त्याचे चाहते आहेत.

त्याच्या सोशल मीडिया अकाऊंटवर बॉलिवूडची गाणी गात असतानाचे अनेक व्हिडीओ तुम्हाला पाहता येतील. इन्स्टाग्रामवर त्यावे 85 हजार फॉलोअर्स आहेत.