IN PICS : लूप लपेटा ते गहराइयां..., फेब्रुवारीत ओटीटीवर रिलीज होत आहेत हे 9 सिनेमे व सीरिज
By ऑनलाइन लोकमत | Published: January 31, 2022 4:10 PM
1 / 9लूप लपेटा हा तापसी पन्नू व ताहिर राज भसीनचा सिनेमा येत्या 4 फेब्रुवारीला नेटफ्लिक्सवर रिलीज होतोय. हा एक थ्रीलर-सायंटिफिक फिक्शन सिनेमा आहे. आकाश भाटिया दिग्दर्शित हा सिनेमा 1998 साली आलेल्या ‘रन लोला रन’ या जर्मन सिनेमाचा रिमेक आहे.2 / 9रिचर ही वेबसीरिज येत्या 4 फेब्रुवारीला प्राईम व्हिडीओवर रिलीज होणार आहे. किलिंग फ्लोर या पुस्तकावर आधारित ही एक क्राईम थ्रीलर सीरिज आहे. आठ एपिसोडच्या या सीरिजचा हा पहिला सिझन आहे. एलन रिचसनने यात एका पोलिस अधिका-याची भूमिका साकारली आहे.3 / 9थ्रू माय विंडो हा चित्रपट 4 फेब्रुवारीलाच नेटफ्लिक्सवर प्रदर्शित होतोय. मार्कल फोरेसने दिग्दर्शित केलेला हा सिनेमा एरियाना गोडाय या लेखिकेच्या नॉवेलवर आधारित आहे. ही एक स्पॅनिश रोमॅन्टिक कॉमेडी फिल्म आहे. रकेल नावाच्या नायिकेची कथा यात पाहायला मिळणार आहे.4 / 9द ग्रेट इंडियन मर्डर ही सीरिज आपण येत्या 4 फेब्रुवारीला डिज्नी प्लस हॉटस्टारवर पाहू शकणार आहोत. ही एक न्यू एज मर्डर मिस्ट्री आहे. प्रतिक गांधी व रिचा चड्ढा यात लीड रोलमध्ये आहेत. एका उद्योगपतीची हत्या होते आणि त्या मर्डर मिस्ट्रीच्या अवतीभवती ही कथा फिरते.5 / 9रॉकेट बॉयज ही सीरिज अभय पन्नूने दिग्दर्शित केली आहे. येत्या 4 फेब्रुवारीला सोनी लिव्हवर ही स्ट्रिम होणार आहे. ही सीरिज डॉ. होमी जहांगीर भाभा व डॉ. विक्रम साराभाई यांच्या सुरूवातीच्या दिवसांवर आधारित आहे.6 / 9दीपिका पादुकोण, सिद्धांत चतुर्वेदी, अनन्या पांडे आणि नसीरूद्दीन शाह यांचा ‘गहराइयां’ हा सिनेमा येत्या 11 फेब्रुवारीला प्राईम व्हिडीओवर रिलीज होणार आहे. शकुन बत्रा दिग्दर्शित या सिनेमाची प्रेक्षक आतुरतेने प्रतीक्षा करत आहेत.7 / 9आय वॉन्ट यू बॅक या सिनेमात चार्ली डे, जेनी स्लेट, जीना रोड्रिग्ज आणि सॅट इस्टवूड यांच्या मुख्य भूमिका आहेत. प्राईम व्हिडीओवर रिलीज होणा-या या सिनेमात पीटर आणि एम्मा या दोन अनोळखी व्यक्तिंची कथा आहे.8 / 9इन्व्हेंटिंग ऐना हा सिनेमा येत्या 11 फेब्रुवारीला नेटफ्लिक्सवर रिलीज होतोय. ऐना ही एक एंटरप्रेन्योर असते. एक पत्रकार तिचा पिच्छा पुरवतो, अशी ही कथा आहे.9 / 9द मार्वेलस मिसेस मिसैलचा सीझन 4 येत्या 18 फेब्रुवारीला प्राईम व्हिडीओवर स्ट्रिम होणार आहे. याचे 8 एपिसोड दर शुक्रवारी एक याप्रमाणे रिलीज होणार आहेत.