Mouni Roy : आलिशान गाड्या अन् करोडोंची संपत्ती; बोल्ड अँड ब्युटीफूल मौनी रॉय आहे कोट्यवधींची मालकीण

Mouni Roy Birthday Special : मौनी रॉयने फक्त छोट्या पडद्यावरच नव्हे तर बॉलिवूडमध्येही आपल्या अभिनयाची छाप पाडली आहे.

अभिनेत्री मौनी रॉय सध्या 'ब्रह्मास्त्र' चित्रपटातील आपल्या दमदार भूमिकेमुळे चर्चेत आहे. मौनीने प्रसिद्ध टीव्ही मालिका 'क्यूंकी सास भी कभी बहू थी' ते 'ब्रह्मास्त्र' या अभिनयप्रवासात प्रचंड प्रसिद्धी मिळवली आहे. आज तिचा वाढदिवस असून यानिमित्ताने तिच्याबाबत काही खास गोष्टी जाणून घेऊया...

मौनी रॉयने फक्त छोट्या पडद्यावरच नव्हे तर बॉलिवूडमध्येही आपल्या अभिनयाची छाप पाडली आहे. नुकत्याच प्रदर्शित झालेल्या रणबीर कपूर आणि आलिया भट्ट स्टारर 'ब्रह्मास्त्र' चित्रपटातील मौनीची छोटी पण दमदार भूमिका आहे. या छोट्याशा भूमिकेत अभिनेत्रीने आपल्या अभिनयाने समीक्षक आणि चाहत्यांना भुरळ पाडली आहे

28 सप्टेंबर 1985 रोजी कूचबिहारमध्ये तिचा जन्म झाला. मौनीला अभिनयाचा वारसा आपल्या घरातूनच मिळाला आहे. मौनीचे आजोबा शेखर चंद्र रॉय आणि आई मुक्ती हे प्रसिद्ध थिएटर कलाकार आहेत. सेंट्रल स्कूलमधून शालेय शिक्षण घेतल्यानंतर मौनीने जामिया मिलिया इस्लामियामध्ये मास कम्युनिकेशनमध्ये प्रवेश घेतला होता.

मौनी रॉय ही टीव्ही इंडस्ट्रीतील सर्वात लोकप्रिय अभिनेत्रींपैकी एक आहे. 2007 मध्ये, तिने एकता कपूरच्या 'क्यूंकी सास भी कभी बहू थी' या शोमधून अभिनय क्षेत्रात पदार्पण केलं होतं. या मालिकेतून ती घराघरात पोहोचली होती.

पहिल्याच मालिकेनंतर मौनीला अनेक टीव्ही शोच्या ऑफर्स येऊ लागल्या. 'श्श्..फिर कोई है', 'देवों के देव महादेव' सारख्या ऐतिहासिक शोने मौनीच्या लोकप्रियतेत भर घातली.

'नागिन 1', 'नागिन 2', 'नागिन 3' च्या यशानंतर मौनी रॉय सर्वात महागड्या टीव्ही अभिनेत्रींपैकी एक बनली. मौनी 'झलक दिखला जा 7' या रिएलिटी शोमध्येही सहभागी झाली होती.

मौनी रॉय टीव्ही शो, चित्रपट, जाहिरात, ब्रँड एंडोर्समेंट आणि सोशल मीडियातून कोट्यवधींची कमाई करते. इतकंच नव्हे तर अभिनेत्री म्युझिक व्हिडिओंमधूनही भरपूर कमाई करते. मीडिया रिपोर्ट्सनुसार, मौनीची एकूण संपत्ती 40 कोटी रुपये इतकी आहे.

स्टायलिश आणि आलिशान आयुष्य जगणारी मौनी रॉय मुंबईत दोन अपार्टमेंटची मालकीण आहे. मौनी रॉयला महागड्या गाड्यांची प्रचंड आवड आहे. अभिनेत्रीच्या कार कलेक्शनमध्ये मर्सिडीज जास्त आहेत.

अभिनेत्रीकडे 1.5 कोटी रुपयांची मर्सिडीज जीएलएस 350 डी आणि 67 लाख रुपयांची मर्सिडीज बेंझ ई क्लास देखील आहे. मौनी रॉयने काही महिन्यांपूर्वी बिझनेसमॅन सूरज नांबियारशी लग्न केलं आहे. मौनी सध्या अभिनयासोबतच कौटुंबिक जीवनाचा आनंद घेत आहे.

काही दिवसांपूर्वी तिने मालदीव व्हॅकेशनचे काही फोटो मौनीने शेअर केले आहेत. समुद्रातील मौनीचे हे हॉट फोटो पाहून फॅन्सही क्रेझी झाले आहेत. मौनी मीडियावर नेहमीच अ‍ॅक्टीव्ह असते. एका हिंदी वेबसाईटने याबाबतचे वृत्त दिले आहे.

सोशल मीडियावर फोटो पोस्ट करून ती चाहत्यांच्या संपर्कात राहत असते. आता तिचे बोल्ड फोटो चर्चेत आहेत. हे फोटो पाहून चाहते घायाळ झाले आहेत. फोटोंमध्ये मौनी निळ्याशार समुद्राच्या पाण्यात आराम करताना दिसत आहे.