PHOTOS : स्पेनमध्ये नयनतारा- विग्नेशचा रोमॅन्टिक हनिमून, तोही फुकटात...!!

Nayanthara Vignesh Shivan Honeymoon : स्पेनच्या रस्त्यावर अभिनेत्री नयनताराचं पतीसोबत रोमँटिक फोटोशूट!

सहा वर्ष एकमेकांना डेट केल्यानंतर नयनतारा व विग्नेश शिवन हे जोडपं गेल्या 9 जूनला लग्नबंधनात अडकलं. लग्नाच्या दोन महिन्यानंतर हे जोडपं हनिमून एन्जॉय करतंय.

कुठे? तर स्पेनमध्ये. होय, साऊथ सुपरस्टार नयनतारा व तिचा दिग्दर्शक पती विग्नेश सध्या स्पेनच्या ट्रिपवर आहेत.

स्पेन ट्रिपचे अनेक रोमॅन्टिक फोटो या कपलने शेअर केले आहेत. दोघंही स्पेनच्या सुंदर सुंदर ठिकाणांना भेटी देत आहेत.

या कपलच्या हनिमूनचे फोटो सध्या तुफान व्हायरल होत आहेत. खास बात म्हणजे, या हनिमूनसाठी नयनतारा व विग्नेश यांनी स्वत:च्या खिशातून एक पैसाही खर्च केलेला नाही.

स्पेनमध्ये कपल एका महागड्या हॉटेलात थांबलं आहे. या हॉटेलचं एका दिवसाचं भाडं 2.5 लाख रूपये आहे. याशिवाय अन्य दुसरेही खर्च आहेत. पण नयन व विग्नेशला खर्चाची फिकीर नाही.

चर्चा खरी मानाल तर कपलच्या हनिमून ट्रिपचा सर्व खर्च नेटफ्लिक्स या ओटीटी प्लॅटफॉर्मने उचलला आहे. रिपोर्टनुसार, दोघांच्या विमानाची तिकिट, हॉटेल व अन्य सगळा खर्च नेटफ्लिक्स करतंय.

अर्थात हे विनाकारण नाही. तर नयनतारा व विग्नेशच्या लग्नाची मालिका ‘नयनतारा बियॉन्ड द फेअरी टेल’ नेटफ्लिक्सवर प्रसारित होतेय. हा त्याच्याच प्रमोशनचा भाग आहे.

येत्या 30 सप्टेंबरला या कपलची लव्हस्टोरी ते लग्न हा संपूर्ण प्रवास नेटफ्लिक्सवर दाखवला जाणार आहे. नुकताच याचा टीझर रिलीज करण्यात आला होता.