By ऑनलाइन लोकमत | Published: February 19, 2023 12:20 PM
1 / 14ड्रामा क्वीन राखी सावंत तिच्या वैवाहिक आयुष्याबद्दल रोज नवनवीन खुलासे करत आहे. तिचा पती आदिल खान दुर्रानी सध्या तुरुंगात आहे. राखी स्वतःला न्याय देण्याची मागणी करत आहे. तिने आरोप केला आहे की, लग्नानंतरही आदिल त्याच्या एक्स गर्लफ्रेंडसोबत रिलेशनशिपमध्ये आहे. 2 / 14राखीने आता तिच्या गर्भपाताचे दुःख व्यक्त केलं आहे. आपला मुद्दा सांगताना ती भावूक होते. बिग बॉस मराठीत असताना राखीने ती गरोदर असल्याचा खुलासा केला होता. काही काळानंतर तिचा गर्भपात झाला पण आदिलला तिच्याबद्दल सहानुभूती नव्हती.3 / 14'इन्स्टंट बॉलिवूड'शी बोलताना राखी सावंत म्हणाली, 'माझे ऑपरेशन खूप मोठे होते. बिग बॉस मराठीतून बाहेर आल्यानंतर माझा गर्भपात झाला. त्याने (आदिल खान दुर्रानी) मला हे सर्व सांगण्यास मनाई केली होती.'4 / 14माझे डॉक्टर शिंदे यांनी त्यांना सांगितले होते की 'ऑपरेशननंतर तुम्ही 3 महिने काहीही करू शकत नाही परंतु 10 दिवस तो थांबू शकला नाही. आमच्यात ते सर्व काही घडलं. डॉक्टरने मला सांगितले की जर मला आता बाळ झाले तर भविष्यात तुम्हाला खूप समस्यांना सामोरे जावे लागेल.'5 / 14'तुम्ही सुरक्षित राहणार नाही. तुमचा जीव धोक्यात आहे. बिग बॉस मराठीत पाहिलं तर मी प्रेग्नंट असल्याचं बिग बॉसला म्हटलं होतं. तुमच्याकडे ते फुटेज असेल तर मिळवा. बिग बॉसमधून बाहेर पडल्यावर त्याने माझ्याशी लग्न करण्यास नकार दिल्यावर ब्लीडिंग सुरू झालं.'6 / 14राखीने व्हिडिओमध्ये ज्या ऑपरेशनचा उल्लेख केला आहे, त्याचा उल्लेख तिने यापूर्वीही केला होता. सप्टेंबर 2022 मध्ये, तिच्या गर्भाशयाच्या वर असलेल्या गाठीची शस्त्रक्रिया झाली. त्यानंतर ती गरोदर राहिली. या महिन्याच्या सुरुवातीला राखीने आदिलविरोधात गुन्हा दाखल केला होता. 7 / 14आदिलवर मारहाणीचा आरोपही केला. राखीने गुन्हा दाखल केल्यानंतर 7 फेब्रुवारी रोजी पोलिसांनी आदिलला ताब्यात घेतले. न्यायालयाने त्याला 20 फेब्रुवारीपर्यंत न्यायालयीन कोठडी सुनावली आहे. एका हिंदी वेबसाईटने याबाबतचे वृत्त दिले आहे. 8 / 14राखीने आता आणखी एका मुलाखतीत पती आदिल खानबाबत अनेक धक्कादायक खुलासे केले आहेत. राखीने Etimes ला दिलेल्या मुलाखतीत सांगितले की, आदिलने माझे न्यूड व्हिडीओ बनवले आणि लोकांना विकले. माझे प्रकरण सायबर क्राइम विभागाकडे आहे. 9 / 14राखीने आदिलबद्दल असेही सांगितले की, तो तिसऱ्यांदा त्याची गर्लफ्रेंड तनूसोबत लग्न करण्याचा विचार करत आहे. राखीने मीडियाला सांगितले की, 'मी कोर्टात माझी बाजू मांडण्यासाठी आले आहे. आदिलला जामीन मिळालेला नाही. माझी मेडिकल टेस्ट झाली असून त्याचे पुरावेही मी पोलीस ठाण्यात सादर केले आहेत.'10 / 14'आदिलने माझा छळ करून माझी फसवणूक केली आहे. त्याला जामीन मिळावा अशी माझी अजिबात इच्छा नाही. मी माझे बँक स्टेटमेंट पोलिसांना दिले आहे. आदिलने माझा ओटीपी घेतला आणि माझे पैसेही चोरले, त्याने माझा विश्वास तोडला आहे.' 11 / 14दुसरीकडे राखीच्या वकिलांनी सांगितले की, आमच्याकडे असे गंभीर पुरावे आहेत की आदिलला जामीन मिळणार नाही. दीड कोटींची फसवणूक हा मोठा गुन्हा असून या प्रकरणाची न्यायालयातही चर्चा व्हावी, अशी आमची इच्छा आहे. राखीने पोलिसांत तक्रार दाखल केली होती की, आदिलने तिचे दागिने चोरले आणि तिचे पैसेही खाल्ले. 12 / 14राखीनेही तिच्या आईच्या मृत्यूसाठी आदिलला जबाबदार धरले. त्याने सांगितले की, मराठी बिग बॉसमध्ये जाण्यापूर्वी त्याने आदिलला दहा लाखांचा चेक दिला होता, तिच्या आईवर शस्त्रक्रिया करावी लागली, पण आदिलने ते पैसे आपल्या आईच्या उपचारासाठी खर्च केले नाहीत, त्यामुळे आईचा मृत्यू झाला.13 / 14राखीचा एक व्हिडीओ समोर आला, ज्यामध्ये ती आदिलकडे पैसे मागताना दिसत आहे. हा व्हिडीओ समोर आल्यानंतर लोक हैराण झाले आहेत. व्हिडीओमध्ये राखीसमोर आदिल बसलेला दिसत आहे. राखी व्हिडिओमध्ये विचारत आहे की, 'तू माझ्याकडून घेतलेले दीड कोटी रुपये कधी देणार आहेस.' 14 / 14त्यावर आदिल म्हणतो की, चार महिन्यात आणि तेही नफ्यासह, हे ऐकल्यानंतर राखी तिला नफा नको, तिला फक्त तिचा पैसा हवा आहे, जे तिने मेहनतीने कमावले आहे असे म्हणताना दिसते. आदिल नफा तुझ्याकडे ठेव पण पैसे परत कर, असे ती म्हणताना दिसते. तिचे दागिने विकून हे पैसे दिले आहेत असंही तिने म्हटलं आहे.