एकेकाळी साधी मॉडेल होती ही अभिनेत्री, बॉलिवूडला रामराम केला अन् पालटलं नशीब, आता आहे कोट्याधीश

1 / 8

शाहरुख खानचा (Shahrukh Khan) 2004 मध्ये आलेला 'स्वदेस' हा सिनेमा प्रेक्षकांच्या खूप पसंतीस पडला. या सिनेमातून डेब्यू करणारी अभिनेत्री गायत्री जोशी (Gayatri Joshi) आता कुठे आहे असा प्रश्न पडला असेल. डेब्यू सिनेमातच प्रेक्षकांची वाहवा मिळवून गायत्री अचानक सिनेइंडस्ट्रीतून गायबच झाली.

2 / 8

अभिनयात येण्यापूर्वी ती व्हिडिओ जॉकी आणि साधी मॉडेल होती. पण सध्या ती ग्लॅमर इंडस्ट्रीपासून दूर आहे. विशेष म्हणजे बॉलिवूडपासून दूर असूनही ती कोट्यवधींची मालकिण आहे आणि आलिशान आयुष्य जगते.

3 / 8

होय, गायत्री जी एकेकाळी सामान्य मॉडेल होती पण आता तिचं नाव आता जगभरातील श्रीमंत लोकांच्या यादीत आहे. गायत्री जोशीने चॅनल व्ही इंडियावर व्हिडिओ जॉकी म्हणून आपल्या करिअरची सुरुवात केली, त्यानंतर तिने फेमिना इंडिया सौंदर्य स्पर्धा जिंकण्याचे तिचे स्वप्न पूर्ण केले.

4 / 8

गायत्री जोशी 1999 च्या फेमिना मिस इंडिया सौंदर्य स्पर्धेत सहभागी झाली आणि टॉप 5 पर्यंत मजल मारली. तिने सन 2000 मध्ये फेमिना मिस इंडिया इंटरनॅशनल हा किताब जिंकला. तिने जपानमध्ये मिस इंटरनॅशनल 2000 मध्ये भारताचे प्रतिनिधित्व केले होते.

5 / 8

गायत्रीने काही म्युझिक व्हिडिओंसोबतच काही जाहिरातींमध्ये मॉडेल म्हणूनही काम केले आहे. ती जगजित सिंग यांच्या 'कागदी बोट; आणि हंस राज हंसच्या 'झांझरिया' म्युझिक व्हिडिओमध्ये दिसली. त्यानंतर त्यांनी 2004 मध्ये स्वदेश या चित्रपटात काम केले, हा तिचा आजवरचा एकमेव चित्रपट होता. या चित्रपटातून तिने शाहरुख खानसोबत पदार्पण केले आणि आजही लोकांना हा चित्रपट आवडतो. पण त्यानंतर ती कधीच ग्लॅमरच्या झगमगत्या दुनियेत दिसली नाही.

6 / 8

गायत्री जोशी यांनी बॉलिवूड सोडताच वर्षभरानंतर तिचं नशीब पालटलं. कारण तिने 2005 मध्ये प्रसिद्ध उद्योजक विकास ओबेरॉयसोबत यांच्यासोबत लग्नगाठ बांधली. तिचे पती सध्या 65 व्या क्रमांकाचे सर्वात श्रीमंत भारतीय आहेत. त्यांची मुंबईत रिअर इस्टेट फर्म आहे. गायत्री सुद्धा त्यांचा बिझनेस सांभाळते.

7 / 8

गायत्री जोशी यांचे पती विकास ओबेरॉय हे ओबेरॉय रियल्टी लिमिटेडचे ​​अध्यक्ष आणि व्यवस्थापकीय संचालक आहेत, ज्यांची मार्केट कॅप सुमारे 30,000 कोटी रुपये आहे. 52 वर्षीय विकास ओबेरॉय यांची एकूण संपत्ती 3.5 अब्ज अमेरिकन डॉलर म्हणजेच 28,000 कोटी रुपयांपेक्षा जास्त आहे.

8 / 8

आता 46 वर्षीय अभिनेत्री पती विकास आणि दोन मुलांसह मुंबईत राहते. कॉलेजमध्ये शिकत असताना गायत्री जोशीने शाहरुख खानसोबत बॉम्बे डाईंग, फिलिप्स, पॉन्ड्स, गोदरेज, सनसिल्क आणि एलजी तसेच ह्युंदाईच्या जाहिरातींसाठी मॉडेलिंग केलं होतं.