'जवान'साठी कलाकारांनी घेतलं तगडं मानधन, शाहरुख खान आणि इतर स्टारकास्टची फी वाचून व्हाल थक्क
By ऑनलाइन लोकमत | Published: September 09, 2023 11:58 AM
1 / 7शाहरुख खानचा बहुप्रतीक्षित चित्रपट जवान रिलीज झाल्यापासून बॉक्स ऑफिसवर जबरदस्त कमाई करत आहे. पठाणनंतर शाहरुख खानच्या या चित्रपटाची बरीच क्रेझ होती आणि शाहरुख खानचे चाहतेही या चित्रपटाची खूप दिवसांपासून वाट पाहत होते. या दृष्टीने चित्रपटाला चांगली ओपनिंग मिळाली आहे. 2 / 7जवानच्या स्टारकास्टबद्दल बोलायचे झाले तर या चित्रपटात शाहरुख खानसोबत नयनतारा, विजय सेतुपती, सान्या मल्होत्रा आणि दीपिका पदुकोण आहेत. या चित्रपटासाठी जवानच्या स्टारकास्टने किती मानधन घेतले आहे ते जाणून घेऊया.3 / 7शाहरुख खानने जवानमध्ये दोन भूमिका साकारल्या आहेत. अ‍ॅटली या चित्रपटासाठी शाहरुख खानने जवळपास १०० कोटी रुपये घेतले असल्याचे बोलले जात आहे. एवढेच नाही तर चित्रपटाच्या कमाईत शाहरुख खान ६० टक्के हिस्सा घेत असल्याचे सांगितले जात आहे.4 / 7साऊथचा सुपरस्टार म्हटल्या जाणार्‍या विजय सेतुपतीनेही जवानमध्ये दमदार भूमिका साकारली आहे. या चित्रपटासाठी विजय सेतुपतीला २१ कोटी रुपये मानधन देण्यात आल्याचे बोलले जात आहे.5 / 7साऊथची हुशार अभिनेत्री नयनताराचा हा बॉलिवूड डेब्यू चित्रपट आहे. या चित्रपटात नयनतारा शाहरुख खानची हिरोईन बनली आहे. नयनताराला जवानासाठी सुमारे १० कोटी रुपये मानधन देण्यात आल्याचे बोलले जात आहे.6 / 7शाहरुख खानसोबत दीपिका पादुकोणही पठाणमध्ये होती आणि हा चित्रपट खूप गाजला. दीपिका बॉलिवूडमध्ये एका चित्रपटासाठी १५ ते ३० कोटी रुपये घेते, असे बोलले जात असले तरी जवानासाठी तिला किती पैसे मिळाले हे अद्याप समजू शकलेलं नाही.7 / 7चेन्नई एक्सप्रेसमध्ये शाहरुख खानसोबत काम केलेली अभिनेत्री प्रियामणी हिलाही या चित्रपटात विशेष भूमिका मिळाली आहे. या व्यक्तिरेखेसाठी प्रियमणीला २ कोटी रुपये देण्यात आल्याचे बोलले जात आहे.