IN PICS : पहिलाच सिनेमा फ्लॉप झाला आणि फहाद फासिलने अ‍ॅक्टिंगला रामराम ठोकला, पण पुढे...! वाचा, भवर सिंहची स्ट्रगल स्टोरी

1 / 11

अल्लू अर्जुनच्या ‘पुष्पा’ या सिनेमातील भंवर सिंह तुमच्या आठवणीत असेलच. आयपीएस भंवर सिंहला विसरणं तसंही शक्य नाहीच. ही भूमिका साऊथ सुपरस्टार फहाद फासिलने साकारली होती.

2 / 11

‘पुष्पा’तील फहादचा रोल फक्त 15 मिनिटांचा होता. पण या 15 मिनिटांत फहादने असा काही अभिनय केला की, त्याच्या अभिनयावर सगळेच फिदा झालेत.

3 / 11

आज फहादचा वाढदिवस. तो मल्याळम चित्रपटसृष्टीचा सुपरस्टार आहे. तेलगू व तामिळ सिनेमातही तो सक्रीय आहे आणि आता हिंदी सिनेप्रेमींनाही त्याचं नाव पाठ झालं आहे.

4 / 11

8 ऑगस्ट 1982 रोजी केरळच्या आलप्पुषा येथे फहादचा जन्म झाला. त्याचे वडिल प्रसिद्ध चित्रपट दिग्दर्शक- निर्माता व पटकथाकार आहे. पण याऊपरही अभिनयाच्या दुनियेत करिअर बनवणं फहादसाठी सोप्प नव्हतं.

5 / 11

फहादच्या वडिलांनीच त्याला लॉन्च केलं. पण पहिलाच सिनेमा फ्लॉप झाला. 2002 मध्ये ‘कायथुम दुरथ’ या चित्रपटातून त्याचा डेब्यू झाला होता. त्याच्या वडिलांनी हा सिनेमा दिग्दर्शित केला होता.

6 / 11

‘कायथुम दुरथ’ या पहिल्यावहिल्या सिनेमाकडून फहादला मोठ्या अपेक्षा होत्या. पण तो दणकून आपटला आणि फहादची निराशा झाली. तो इतका निराश झाला की, त्याने अभिनय सोडण्याचा निर्णय घेतला.

7 / 11

होय, अ‍ॅक्टिंग सोडून त्याने शिक्षण पूर्ण करण्याचा निर्णय घेतला आणि पुढील शिक्षणासाठी विदेशात गेला. अर्थात यादरम्यान असं काही घडलं की, तो पुन्हा अभिनयाकडे वळला.

8 / 11

होय, याचं श्रेय जातं दिवंगत अभिनेता इरफान खानला. होय, शिक्षण सुरू असताना फहादने ‘यूं होता तो क्या होता’ हा इरफानचा सिनेमा पाहिला आणि तो जणू वेडा झाला.

9 / 11

त्याला इरफानचा अभिनय इतका आवडला की, त्याने त्याचे सर्व सिनेमे पाहिले. इतकंच नाही तर इरफानपासून प्रेरणा घेत, पुन्हा अभिनयाच्या दुनियेत कमबॅक केलं.

10 / 11

त्यावेळी मात्र नशीबाने साथ दिली. त्याचे कष्ट फळास आलेत. अनेक चित्रपटात फहाद सपोर्टिंग रोलमध्ये दिसला. पण या भूमिका त्याने अशा काही साकारल्या की, आज फहाद मोठा ब्रँड बनला आहे.

11 / 11

आत्तापर्यंतच्या करिअरमध्ये फहादने सुमारे 50 चित्रपटांत काम केलं आहे. गेल्यावर्षी रिलीज झालेल्या ‘पुष्पा’ या सिनेमाने फहादला नवी ओळख दिली. त्याची छोटीशी भूमिका चाहत्यांनी अक्षरश: डोक्यावर घेतली.