राज्यपालांनी ऐकला पवन-अरुणिताचा लाईव्ह परफॉर्मन्स, 'या' दोन गाण्यांनी जिंकलं मन

1 / 11

छोट्या पडद्यावरील लोकप्रिय सिंगिंग रिएलिटी शो इंडियन आयडॉलच्या १२व्या सीझनचा अंतिम सोहळा नुकताच पार पडला आहे. या सीझनचा विजेता पवनदीप राजन ठरला आहे.

2 / 11

या संपूर्ण सीझनमध्ये अरूणिता आणि पवनदीप यांच्या गाण्याची आणि रिलेशनशीपच्या चर्चा रंगल्या होत्या. मात्र, पवनदीपने अरूणिता नेहमीच आपली चांगली मैत्रीण असल्याचे सांगितले होते.

3 / 11

पवनदीप विजेता आणि अरुणीता उपविजेता ठरल्यानंतर त्यांचा देशभरातून शुभेच्छा देण्यात आल्या आहेत. त्यांचं कौतुकही होत आहे.

4 / 11

राज्यपाल भगत सिंह कोश्यारी यांनी इंडियन आयडॉल रिआलिटी शोच्या बाराव्या सिझनचे विजेते युवा कलाकार पवनदीप राजनला राजभवन येथे बोलावून कौतुकाची थाप दिली.

5 / 11

या स्पर्धेतील प्रथम उपविजेती अरुणिता कांजीलाल हिचेदेखील राज्यपालांनी यावेळी अभिनंदन केले व दोन्ही कलाकारांना भावी सांगितिक वाटचालीसाठी शुभेच्छा दिल्या. दोन्ही कलाकारांनी यावेळी आपली कला सादर केली. त्यावेळी, अरुणिताने ऐ मेरे वतन के लोगो... हे गाणं गायलं तर, पनवदीपने केसरी चित्रपटातील है मेरी जमी... हे गाणं गायलं

6 / 11

दरम्यान, इंडियन आयडॉलच्या अंतिम सोहळ्याआधी दिलेल्या मुलाखतीत मोहम्मद दानिशने सांगितले की, पवनदीप राजन आणि अरुणिता कांजीलाल मुंबईत एकाच इमारतीत आपापले घर घेण्याचा विचार करत आहे.

7 / 11

इतकेच नाही तर दानिशने पवनदीप राजन आणि अरुणिता कांजीलालच्या रिलेशनशीपच्या चर्चेवरही भाष्य केले. तो म्हणाला की, पवनदीप आणि अरूणिता दोघेही आता याकडे लक्ष देत नाहीत.

8 / 11

ते दोघेही एकमेकांचे चांगले मित्र आहेत. त्यांच्यात खूप चांगले बॉन्डिंग आहे आणि तो भविष्यातही असेच राहावे यासाठी मी प्रार्थना करतो, असेही त्याने म्हटले.

9 / 11

पवनदीप राजन हा Indian Idol 12 चा विजेता ठरला आहे. या सिझनचा तो सर्वाधिक लोकप्रिय स्पर्धक ठरला होता. त्यामुळे तमाम चाहत्यांनाही पवनदीपनेच विजेता बनावे अशी प्रार्थना करत होते.

10 / 11

रसिकांच्या भरघोस मतांनी पवनदीप विजयी ठरला. त्यामुळे, त्याने एक आलिशान कार आणि 25 लाख रुपये जिंकले आहेत. आपल्या गायकीनेच नाही तर या सिझनचा विजेता बनत पवनदीपने पुन्हा चाहत्यांची मनं जिंकली आहेत.

11 / 11