नोकरी सोडून अभिनयात आला; हर्षद मेहताच्या भूमिकेने स्टार झाला...! जाणून घ्या प्रतिक गांधीबद्दल खास गोष्टी

1 / 11

सोनी लिव्ह या ओटीटी प्लॅटफॉर्मवर ‘स्कॅम १९९२ : द हर्षद मेहता स्टोरी’ ही वेबसीरिज प्रदर्शित झाली आणि एक चेहरा अचानक लोकांच्या डोळ्यांत भरला. तो म्हणजे, हर्षद मेहताची भूमिका साकारणारा अभिनेता प्रतिक गांधी याचा.

2 / 11

देशाच्या अर्थव्यवस्थेला हादरवून टाकणा-या आणि सर्वात मोठा शेअर बाजार घोटाळा करणा-या हर्षद मेहताच्या आयुष्यावर आधारित ‘स्कॅम 1992’ या वेबसीरिजमध्ये प्रतिक गांधीने मुख्य भूमिका साकारली आहे.

3 / 11

हर्षद मेहताची भूमिका प्रतिकने अशी काही लिलया साकारली की सध्या त्याच्यावर कौतुकाचा वर्षाव होतोय. त्याचा दमदार अभिनय पाहून चाहते त्याच्या प्रेमात पडले आहेत.

4 / 11

गुजराती रंगभूमी गाजवणा-या प्रतिकने 2014 साली ‘बे यार’ या चित्रपटातून बॉलिवूडमध्ये डेब्यू केला होता.

5 / 11

प्रतिकने 2004 मध्ये गुजराती नाटकांमध्ये काम करण्यास सुरुवात केली. ‘युअर्स इमोशनली’ या इंग्रजी चित्रपटातही तो झळकला.

6 / 11

मोहन नो मसालो, हू चंद्रकांत बक्षी यांसारख्या नाटकांमध्ये प्रतिकने साकारलेल्या भूमिका प्रचंड गाजल्या.

7 / 11

मूळचा सूरता असलेला प्रतिक इंजिनिअर आहे. पुढे सेल्सपर्सन म्हणूनही त्याने काम सुरु केले आणि सोबत सोबत नाटक, लाईव्ह शो करू लागला.

8 / 11

इंजिनिअर झालेल्या आपल्या मुलाने मोठ्या पगाराची नोकरी करावी, अशी खरे तर प्रतिकच्या कुटुंबाची इच्छा होती. पण प्रतिकने एकदिवस मी अ‍ॅक्टिंगमध्ये करिअर करणार, असे घरच्यांना स्पष्ट सांगितले.

9 / 11

केवळ सांगितले नाही तर 2016 मध्ये इंजिनीअरिंगची नोकरी सोडून तो पूर्णवेळ अ‍ॅक्टिंग करू लागला.

10 / 11

राँग साइड राजू, व्हेंटिलेटर, मित्रों , लवयात्री या चित्रपटांमध्ये त्याला भूमिका मिळाल्या आणि या प्रत्येक संधीचे त्याने सोने केले.

11 / 11

याचदरम्यान हंसल मेहता यांनी ‘स्कॅम 1992’साठी त्याला विचारले आणि प्रतिकने लगेच या वेबसीरिजसाठी होकार दिला. या वेबसीरिजने प्रतिक अचानक लोकांच्या नजरेत भरला.