Madhuri Dixit: माधुरीच्या अमेरिकेतील घराची रेकी?, शेजाऱ्यांनी फोन करुन सांगितलं

1 / 10

आपल्या निखळ हास्याने लाखो तरुणांना आजही घायाळ करणारी धकधक गर्ल म्हणजे माधुरी दीक्षित (madhuri dixit) . 'साजन', 'हम आपके हैं कौन', 'दिल', 'दिल तो पागल है', 'देवदास' अशा कितीतरी चित्रपटातून माधुरी प्रेक्षकांच्या भेटीला आली आहे.

2 / 10

आज प्रत्येक वयोगटात तिचा चाहतावर्ग असल्याचं पाहायला मिळतं. बॉलिवूड इंडस्ट्रीवर अधिराज्य गाजवणारी माधुरी लग्नानंतर गायब झाली. आपल्या डॉक्टर पतीसमवेत माधुरी अमेरिकेत स्थायिक झाली.

3 / 10

पण, अमेरिकेतही तिच्या चाहत्यांना तिची झलक पाहायची होती. अमेरिकेतील भारतीय माधुरीच्या बंगल्याबाहेर चकरा मारत होते, माधुरीने स्वत: याबाबतचा एक किस्सा शेअर केला आहे.

4 / 10

माधुरीची 'द फेम गेम' ही वेबसीरिज लवकरच प्रेक्षकांच्या भेटीला येणार आहे. त्यामुळे सध्या माधुरी या सीरिजच्या प्रमोशनमध्ये व्यस्त आहे.

5 / 10

या वेबसिरीजमध्ये माधुरीसोबत मानव कौल, संजय कपूर आणि सुहासिनी मुळे हे प्रमुख भूमिकेत आहेत. संजय कपूरसमोबत तब्बल २६ वर्षांनंतर एकत्र झळकत आहे. माधुरीने या प्रमाोशनादरम्यान दिलेल्या मुलाखतीत चाहत्यांचा एक अमेरिकेतील किस्सा सांगितला.

6 / 10

जेव्हा माधुरी अमेरिकेत राहत होती, तेव्हा अमेरिकेतील भारतीय नागरिक तिच्या घराबाहेर चकरा मारत होते. त्यामुळे, शेजाऱ्यांना संशय यायचा, त्यातून त्यांनी खबरदारी म्हणून माधुरीला फोन केला.

7 / 10

शेजारच्यांनी खबरदारी म्हणून माधुरीला फोन करत तुमच्या घरावर रेकी केली जात असल्याचं सांगितलं. तसेच, याबाबत पोलिसांना माहिती देण्याचंही सूचवलं.

8 / 10

त्यावेळी, मी लोकप्रिय भारतीय अभिनेत्री असल्याचं माधुरीने शेजारच्यांना सांगितलं. माधुरीच्या उत्तराने शेजारी अवाक् झाले, कारण माधुरी अभिनेत्री असल्याचं शेजारच्यांनाही माहिती नव्हतं.

9 / 10

तसेच, घराबाहेर येणारे हे माधुरीचे भारतीय चाहते होते, जे रेकी करत नसून माधुरीला पहायला येत होते, हेही माधुरीने शेजाऱ्यांना सांगितले.

10 / 10

माधुरीने या मुलाखतीत अमेरिकेत आपण सेलिब्रिटी नसल्याचंही म्हटलं. मी सेलिब्रिटी असल्याची भावना भारतात आल्यानंतरच दिसते. माझ्या कुटुंबीयांना, मुलांनाही ते इथेच जाणवते, असेही माधुरीने म्हटले.