IN PICS : ‘सैराट’ने आकाश ठोसरचं नशीबच बदललं नाही तर एक वाईट सवयही बदलली!!

Akash Thosar Birthday : तुमचा आमचा लाडका परश्या अर्थात अभिनेता आकाश ठोसर याचा आज वाढदिवस. आज परश्या त्याचा 28 वा वाढदिवस साजरा करतोय.

तुमचा आमचा लाडका परश्या अर्थात अभिनेता आकाश ठोसर याचा आज वाढदिवस. आज परश्या त्याचा 28 वा वाढदिवस साजरा करतोय.

अर्थात आता हा परश्या परश्या राहिलेला नाही तर मोठ्ठा स्टार झाला आहे. होय,‘सैराट’ काय मिळाला आणि आकाशचं नशीब एका रात्रीत बदललं.

आकाशला पैलवान व्हायचं होतं. पण तो झाला अभिनेता. आज त्याला पाहून थक्क व्हायला होतं.‘सैराट’नंतर त्याचा मेकओव्हर पाहून अनेकदा विश्वास बसत नाही.

‘सैराट’मध्ये आकाश खरं तर सहकलाकाराच्या भूमिकेत दिसणार होता. त्यासाठी त्याचं आॅडिशनही घेतलं होतं. पण त्याचा अभिनय असा की, तो लीड भूमिकेसाठी सिलेक्ट झाला. यानंतर त्याने मागे वळून बघितलंच नाही.

‘सैराट’ या सिनेमानं आकाशला काय दिलं तर यश, लोकप्रियता, पैसा, प्रसिद्धी सगळं काही. शिवाय या सिनेमानं त्याच्या आयुष्याची दिशाचं बदलली.

‘सैराट’ आधी पोटभर जेवायचं आणि मस्तपैकी लोळायचं, असाच त्याचा दिनक्रम होता. यामुळे तो काहीसा सुस्तावला होता.

‘सैराट’ साठी कार्यशाळा सुरू झाल्यावरही त्याचा हा सुस्तपणा कायम होता. कार्यशाळेत अर्धा वेळ भिंतीला टेकून उभं राहणं हाच त्याचा आवडता उद्योग होता.

त्याचा हा सुस्तपणा टीमच्या लक्षात आला नसेल तर नवल. मग काय, ‘सैराट’च्या सहाय्यक दिग्दर्शिका पूजा डोळस यांनी आकाशला अ‍ॅक्टिव्ह करण्याचा जणू चंग बांधला.

त्याला त्यांनी असं काही अ‍ॅक्टिव्ह केलं की, आज त्याच्या इतका अ‍ॅक्टिव्ह कोणीच नाही, असं म्हटलं तरी चालेल. आज एक दिवसही आकाश जिम चुकवत नाही.