'झापूक झुपूक'मधील सूरज चव्हाणच्या नायिकेला ओळखलंत का? ती आहे प्रसिद्ध अभिनेत्रीची लेक

1 / 8

रिल स्टार ते बिग बॉस मराठी सीझन ५चा विजेता असा प्रवास करणारा सूरज चव्हाण लवकरच रुपेरी पडद्यावर झळकणार आहे. त्याचा 'झापूक झुपूक' हा सिनेमा २५ एप्रिलला प्रेक्षकांच्या भेटीला येतो आहे.

2 / 8

बिग बॉसच्या घरात असतानाच केदार शिंदे यांनी या चित्रपटासाठी सूरजचा विचार केला आणि त्यालाच या चित्रपटाचा नायक म्हणून जाहीर केले. चित्रपटाच्या टीझर, ट्रेलर आणि गाण्याला खूप छान प्रतिसाद मिळतो आहे. 'झापूक झुपूक'मध्ये सूरज चव्हाण अभिनेत्री जुई भागवत सोबत स्क्रीन शेअर करताना दिसणार आहे.

3 / 8

जुई भागवत सूरज चव्हाणच्या नायिकेची भूमिका साकारत आहे. पण जुई भागवत नक्की आहे तरी कोण ? असा प्रश्न अनेकांना पडला आहे.

4 / 8

जुई भागवत हिने अभिनयाचे धडे तिच्या आईकडूनच गिरविले आहेत. जुई भागवत ही प्रसिद्ध अभिनेत्री दीप्ती भागवतची मुलगी आहे.

5 / 8

दीप्ती भागवत या केवळ अभिनेत्री म्हणून नाही तर उत्कृष्ट सूत्रसंचालिका, निवेदिका, गायिका तसेच गीतकार आहेत. संगीतकार, गायक मकरंद भागवत यांच्याशी त्या विवाहबद्ध झाल्या. जुईलाही लहानपणापासूनच अभिनयाची आवड आहे.

6 / 8

झी मराठीच्या महाराष्ट्राचा सुपरस्टार या रिएलिटी शोमध्ये जुई सहभागी झाली होता. त्यानंतर तिला तुमची मुलगी काय करते मालिकेत महत्वाची भूमिका मिळाली.

7 / 8

त्यानंतर ती ‘लाईक आणि सबस्क्राईब’ आणि गुलकंद या सिनेमात झळकली आहे.

8 / 8

आता जुई भागवत झापुक झुपुक चित्रपटात मुख्य भूमिकेत पाहायला मिळणार आहे. तिच्या या सिनेमाची प्रेक्षक आतुरतेने वाट पाहत आहेत.