एम.एस धोनी ते नाना पाटेकर! 'या' सेलिब्रिटींनी कपिल शर्मा शोमध्ये येण्यास दिला वारंवार नकार

1 / 10

छोट्या पडद्यावरील लोकप्रिय शो म्हणजे 'द कपिल शर्मा शो' (The kapil sharma show). या शोचं सूत्रसंचालन प्रसिद्ध विनोदवीर कपिल शर्मा करत असून हा शो सध्या लोकप्रिय कार्यक्रमांपैकी एक आहे.

2 / 10

आतापर्यंत या शोमध्ये अनेक दिग्गज सेलिब्रिटींनी हजेरी लावली आहे. या शोमध्ये अनेक कलाकार त्यांच्या आगामी प्रोजेक्ट्स, चित्रपटांचं प्रमोशन करण्यासाठी येतात.

3 / 10

कपिल शर्मा त्याच्या शोमध्ये सहभागी झालेल्या अनेक सेलिब्रिटींच्या पोलखोल करत असतो. त्यामुळे या शोमुळे अनेक सेलिब्रिटींनी त्यांच्या जीवनातील सत्य चाहत्यांसमोर जाहीर केलं आहे.

4 / 10

लोकप्रियतेच्या शिखरावर असलेल्या या शोमध्ये कितीतरी सेलिब्रिटी हजेरी लावून गेले आहेत. मात्र, असेही काही सेलेब्स आहेत ज्यांना वारंवार आमंत्रण दिल्यानंतरही त्यांनी या शोमध्ये हजेरी लावण्यास नकार दिला. त्यामुळे हे कलाकार कोणते ते पाहुयात.

5 / 10

सचिन तेंडूलकर - मास्टरब्लास्टर सचिन तेंडूलकर अजूनही द कपिल शर्मा सोमध्ये आलेला नाही. सचिनच्या जीवनावर आधारित 'सचिन: अ बिलियन ड्रीम्स' हा चित्रपट प्रदर्शित झाल्यानंतर सचिनला द कपिल शर्मा शोमध्ये बोलवण्यात आलं होतं. मात्र, त्याने काही कारणास्तव या कार्यक्रमात येण्यास नकार दिला.

6 / 10

आमिर खान- मिस्टर परफेक्शनिस्ट आमिर खान बऱ्याच वेळा कोणत्याही कार्यक्रमात जाण्यासाठी किंवा पुरस्कार सोहळ्यांना हजेरी लावण्यास नकार देतो. त्याचप्रमाणे त्याने कपिलच्या शोसाठीही नकार दिला आहे.

7 / 10

एम.एस. धोनी - कॅप्टन कूल अर्थात महेंद्रसिंग धोनीदेखील अजूनही कपिल शर्मा शोमध्ये आलेला नाही. धोनीच्या जीवनावर आधारित 'एम.एस. धोनी: द अनटोल्ड स्टोरी' हा बायोपिक प्रेक्षकांच्या भेटीला आला होता. त्यावेळी धोनीला कपिल शर्मा शोचं आमंत्रण पाठवण्यात आलं होतं. मात्र, धोनीने या चित्रपटाच्या प्रमोशनसाठी कपिल शर्मा शोमध्ये येण्यास नकार दिला.

8 / 10

नाना पाटेकर - मराठीसह हिंदी चित्रपटांमध्ये आपल्या अभिनयाची छाप उमटवणारे नाना पाटेकरदेखील कपिल शर्मा शोपासून दूर आहेत.

9 / 10

रजनीकांत - दाक्षिणात्य चित्रपटसृष्टीतील लोकप्रिय अभिनेता रजनीकांतदेखील अजूनपर्यंत कपिलच्या शोमध्ये आलेले नाहीत. रजनीकांत यांना अनेकदा शोकडून बोलावण्यात आलं होतं. मात्र, त्यांनी नकार दिला.

10 / 10

मुकेश खन्ना - अभिनेता मुकेश खन्ना यांनी इन्स्टाग्रामवर एक पोस्ट शेअर करत कपिल शर्मा शोमध्ये कधीच सहभागी होणार नाही असं जाहीर केलं आहे.