Saie Tamhankar : सई ताम्हणकरने नववर्षाचे केले स्वागत, दौलतरावांकडून करुन घेतेय सेवा; फोटो व्हायरल

मराठीतील आघाडीची अभिनेत्री सई ताम्हणकरच्या आयुष्यात एक स्पेशल व्यक्ती आहे. त्याचे नाव अनिश जोग. सईने नवीन वर्षाचे स्वागत बॉयफ्रेंड अनिश आणि इतर मित्रपरिवारासोबत केले. त्याचे फोटो नुकतेच सईने इन्स्टाग्रामवर अपलोड केले आहेत.

सईने काही दिवसांपूर्वीच तिचे रिलेशनशिप जाहीर केले होते. अनिश तिच्या आयुष्यातील सर्वात स्पेशल व्यक्ती असल्याचं तिने म्हणलं होतं. दोघांनी एकमेकांना वाढदिवसाला शुभेच्छा देणाऱ्या पोस्ट शेअर केल्या होत्या. यानंतर त्यांचे रिलेशनशिप जगजाहिर झाले.

सईसाठी २०२२ हे वर्ष खूपच खास होते.मिमी या बॉलिवुड चित्रपटात तिने सहाय्यक अभिनेत्रीची भूमिका साकारली ज्याचे खूप कौतुक झाले. इतकंच नाही तर तिला फिल्मफेअर अवॉर्डनेही सम्मानित करण्यात आले.२०२२ या वर्षाचे तिने आभार मानले आहेत.

आता २०२३ या नवीन वर्षाचं स्वागत तिने मित्रपरिवारासोबत केले. यावेळी तिचा बॉयफ्रेंड अनिश जोगही सोबत होता. त्याच्यासोबतचे आनंदाचे क्षण तिने शेअर केले आहेत.

एका फोटोमध्ये अनिश तिची सेवा करताना दिसतोय, तर दोघांचा व्हॅकेशनला जातानाचा पाठमोरा फोटोही तिने शेअर केला आहे. नवीन वर्षात सूर्यप्रकाशात हसतानाचा सईचा फोटो खूप सुंदर दिसत आहे. एका फोटोत दोघे योगा करताना दिसत आहेत.

सईची नुकतीच इंडिया लॉकडाऊन ही वेब सिरीज प्रदर्शित झाली. सध्या ही सिरीज प्रेक्षकांच्या पसंतीस उतरत आहे. मराठी आणि हिंदी अशा दोन्ही माध्यमांत सध्या सईचाच डंका आहे.

तर अनिश जोग हा सिनेनिर्माता आहे.'आणि काय हवं?', 'गर्लफ्रेंड', 'मुरांबा', 'वायझेड', 'डबल सीट', 'टाईम प्लीज' आणि 'धुरळा' या काही चित्रपट आणि वेबसीरिजची निर्मिती केली आहे.