Gadar 2 : ‘गदर २’ मध्ये सनी देओलच्या सूनेची भूमिका साकारणारी सिमरत कौर आहे तरी कोण? दिसते फारच सुंदर

Gadar 2 : तुम्हाला आठवत असलेच की ‘गदर’मध्ये तारा सिंग व सकीनाचा छोटा मुलगाही होता. ‘गदर २’मध्ये हा जीते मोठा झालेला दिसणार आहे. ही भूमिका उत्कर्ष शर्मा साकारतोय. शिवाय उत्कर्षची पत्नीही सीक्वलमध्ये दिसणार आहे.

सनी देओल आणि अमिषा पटेल यांचा ‘गदर २’ हा सिनेमा प्रदर्शनासाठी सज्ज आहे. प्रेक्षक या चित्रपटाची आतुरतेने प्रतीक्षा करत आहेत.

‘गदर’ हा चित्रपट २००१ साली रिलीज झाला होता. आता तब्बल २२ वर्षांनंतर या चित्रपटाचा सीक्वल येतोय. साहजिकच चाहते क्रेझी झाले आहेत.

‘गदर २’मध्ये तारा सिंग अर्थात सनी देओल आहे. सकीना म्हणजे अमिषा पटेलही दिसणार आहे. याशिवाय उत्कर्ष शर्मा आणि सिमरत कौरही मुख्य भूमिकेत आहेत.

तुम्हाला आठवत असलेच की ‘गदर’मध्ये तारा सिंग व सकीनाचा छोटा मुलगाही होता. ‘गदर २’मध्ये हा जीते मोठा झालेला दिसणार आहे. ही भूमिका उत्कर्ष शर्मा साकारतोय. शिवाय उत्कर्षची पत्नीही सीक्वलमध्ये दिसणार आहे.

उत्कर्षच्या पत्नीची भूमिका सिमरत कौरने साकारली आहे. म्हणजेच सिमरत कौर ही सनी देओलच्या सूनेची भूमिका साकारताना दिसणार आहे. आता ही सिमरत कौर कोण, असा प्रश्न तुम्हाला नक्कीच पडला असावा.

तर सिमरत कौर ही पंजाबी अभिनेत्री आहे. सनी देओलच्या ‘गदर २’ या चित्रपटातून ती बॉलिवूडमध्ये पदार्पण करणार आहे. याआधी ती अनेक पंजाबी म्युझिक अल्बममध्ये दिसली आहे.

सिमरतने २०१७ साली तेलगू रोमँटिक ड्रामा चित्रपट ‘प्रेमाथो मी’ मधून तिच्या अभिनय कारकिर्दीला सुरुवात केली होती.

तिने मिका सिंगच्या ‘तेरे बिन जिंदगी’ या रोमँटिक गाण्यातही काम केलं होतं. २०२२ मध्ये तिने नागार्जुनच्या ‘बंगाराजू’मध्ये कॅमिओ केला होता.

सिमरत कौरने तेलुगू व पंजाबी इंडस्ट्रीमध्ये काम केलंय. आता ‘गदर २’ मधून ती बॉलिवूडमध्ये पदार्पण करणार आहे. ‘गदर २’ चित्रपट ११ ऑगस्ट २०२३ रोजी प्रदर्शित होणार आहे.

‘गदर २’मध्ये सिमरत अतिशय महत्त्वाच्या भूमिकेत आहे. सनी देओल आपल्या या सूनेला आणायला पाकिस्तानात जातो. ‘गदर २’ची संपूर्ण कथा सिमरत कौरच्या अवतीभवती फिरताना दिसणार आहे.