IN PICS : दोन कोटींची जाहिरात फक्त हिचं नाकारू शकते...! साई पल्लवीची बातचं न्यारी!!

sai pallavi : केवळ पैशांना महत्त्व देणाऱ्या आणि तत्त्वांशी काडीचाही संबंध नसणाऱ्या कलाकारांच्या भाऊगर्दीत साई पल्लवी वेगळी ठरते. दोन कोटींची जाहिरात फक्त तिच नाकारू शकते.

साई पल्लवी ही दक्षिणेची लोकप्रिय अभिनेत्री. तिची वेगळी ओळख करून देण्याची तशीही गरज नाही.

केवळ पैशांना महत्त्व देणाऱ्या आणि तत्त्वांशी काडीचाही संबंध नसणाऱ्या कलाकारांच्या भाऊगर्दीत साई पल्लवी वेगळी ठरते. दोन कोटींची जाहिरात फक्त तिच नाकारू शकते.

होय, काही वर्षांआधी साईला एका फेअरनेस क्रिमची जाहिरात ऑफर झाली होती. काही मिनिटांच्या या जाहिरातीसाठी तिला 2 कोटी मिळणार होते. पण साईने ही ऑफर धुडकावून लावली.

केवळ पैशांसाठी फेअरनेस क्रिमची जाहिरात करण्यास तिने नकार दिला. मी कधीच सौंदर्य प्रसाधनांची जाहिरात करत नाही. मला ते मान्यच नाही. तुम्ही जसे असाल तसे स्वत:ला स्वीकारा, जग तुम्हाला आपोआप स्वीकारले, असं ती म्हणते.

साई पल्लवी ही अशा अभिनेत्रींपैकी एक आहे, जी कमीतकमी मेकअपसह किंवा मेकअपशिवाय ऑन-स्क्रीन दिसते. पहिल्याच सिनेमात ती नो मेकअप लुकमध्ये दिसली होती. यालाही धैर्य लागतं.

साई पल्लवी हिने 2015 मध्ये प्रेमम या मल्याळम चित्रपटातून अभिनयाच्या क्षेत्रात पदार्पण केलं. या पहिल्याच चित्रपटाने तिला अपार यश मिळवून दिलं.

पहिल्या चित्रपटानंतर साई एका रात्रीत स्टार झाली. पण हे स्टारडम डोक्यात जाऊ न देता तिने तिचे एमबीबीएस पूर्ण केलं. म्हणजे ती डॉक्टर बनली.

यानंतर आलेले अथिरन, मारी 2 हे तिचे दोन सिनेमेही प्रचंड गाजले. या चित्रपटांनी साई चाहत्यांच्या गळ्यातील ताईत बनली.

साई पल्लवीचे पूर्ण नाव साई पल्लवी सेंथामराय आहे, तिचा जन्म 9 मे 1992 रोजी तामिळनाडूच्या निलगिरी जिल्ह्यातील बडगा कुटुंबात झाला. त्यांच्या वडिलांचे नाव सेंथामराय कन्नन आणि आईचे नाव राधा आहे. तिला पूजा नावाची एक लहान बहीणही आहे.

साई पल्लवी ही अभिनेत्री असण्यासोबत एक चांगली नृत्यांगनाही आहे. आता तत्त्वांसाठी जगणारी अभिनेत्री अशी तिची आणखी एक ओळख निर्माण झाली आहे.