वयाच्या ३२व्या वर्षी लग्न करतेय साऊथची प्रसिद्ध अभिनेत्री, गोव्यात बॉयफ्रेंडसोबत घेणार सात फेरे

1 / 8

या वर्षी टीव्ही इंडस्ट्रीपासून फिल्म इंडस्ट्रीपर्यंत अनेक अभिनेते आणि अभिनेत्रींनी लग्न केले. आता वर्षाच्या अखेरीस चित्रपटसृष्टीतील आणखी एक सौंदर्यवती विवाहबंधनात अडकणार आहे. होय, नुकतेच नागा चैतन्य आणि शोभिता धुलिपाला यांच्या लग्नाचे कार्ड सोशल मीडियावर व्हायरल होत आहे, ज्यामध्ये त्यांच्या लग्नाची तारीख देखील पुढील महिन्यात डिसेंबर अशी नमूद करण्यात आली आहे. पण इथे आम्ही आणखी एका अभिनेत्रींबद्दल बोलत आहोत, जिचे नाव टॉप अभिनेत्रींच्या यादीत आहे.

2 / 8

आम्ही ज्या अभिनेत्रीबद्दल बोलत आहोत, तिने तिच्या करिअरची सुरुवात बालकलाकार म्हणून केली होती. तिचा पहिला चित्रपट २००० साली आला होता. यानंतर, तिने २०१३ मध्ये मुख्य अभिनेत्री म्हणून इंडस्ट्रीत प्रवेश केला आणि प्रसिद्ध झाली. आज तिचे नाव चित्रपटसृष्टीतील टॉप अभिनेत्रींच्या यादीत आहे. आम्ही ३२ वर्षीय किर्ती सुरेशबद्दल बोलत आहोत, जी साऊथ फिल्म इंडस्ट्रीतील टॉप अभिनेत्री आहे.

3 / 8

राष्ट्रीय पुरस्कार विजेती अभिनेत्री किर्ती सुरेश लवकरच विवाहबंधनात अडकणार आहे. रिपोर्ट्सनुसार, किर्ती या वर्षाच्या अखेरीस म्हणजे पुढच्या महिन्यात ११ आणि १२ डिसेंबर रोजी गोव्यात तिच्या जवळच्या मित्र आणि कुटुंबियांमध्ये एका खाजगी समारंभात लग्न करणार आहे.

4 / 8

किर्तीचा बालपणीचा मित्र आणि दीर्घकाळाचा बॉयफ्रेंड अँटोनी थाटीलसोबत तिचे लग्न होत असल्याचे सांगितले जात आहे. किर्ती शाळेत असताना आणि अँटनी कोचीला शिकत असताना कीर्ती आणि अँटनी यांची पहिली भेट झाली.

5 / 8

रिपोर्ट्सनुसार, दोघेही गेल्या १५ वर्षांपासून एकमेकांना डेट करत आहेत आणि आता दोघे लग्न करणार आहेत. गेल्या काही वर्षांपासून या जोडप्याने आपले नाते गोपनीय ठेवले आहे. त्यांच्या लग्नात फक्त जवळचे कुटुंब आणि खास मित्रांनाच आमंत्रित केले जाणार असल्याचे वृत्त आहे.

6 / 8

मीडिया रिपोर्ट्सनुसार, हे कपल लवकरच त्यांच्या लग्नाची अधिकृत घोषणा करू शकतात. याआधी अभिनेत्रीचे नाव संगीतकार अनिरुद्ध रविचंदरसोबत जोडले जात होते. या अफवांच्या दरम्यान, अभिनेत्री लग्नाची योजना आखत आहे.

7 / 8

किर्ती सुरेशच्या वर्कफ्रंटबद्दल बोलायचं तर ती ११ वर्षांपासून इंडस्ट्रीत आहे आणि तिने ३० हून अधिक चित्रपटांमध्ये काम केले आहे. सुमन कुमार दिग्दर्शित 'रघु थाथा' या तमीळ चित्रपटात ही अभिनेत्री शेवटची दिसली होती. आता ती बॉलिवूडमध्ये पदार्पण करण्याच्या तयारीत आहे.

8 / 8

ख्रिसमसच्या मुहूर्तावर किर्तीचा 'बेबी जॉन' हा पहिला हिंदी चित्रपट प्रदर्शित होणार आहे. या चित्रपटात तिच्यासोबत वरुण धवन दिसणार असून तो ॲक्शन अवतारात दिसणार आहे. हा चित्रपट कलिश दिग्दर्शित करत असून हा तमिळ ब्लॉकबस्टर 'थेरी'चा रिमेक आहे.