‘रिल लाईफ’ वहिनीसोबत ‘रिअल लाईफ’मध्ये लग्न; पाहा, नील-ऐश्वर्याचे रोमॅन्टिक फोटो

1 / 8

मालिका वा चित्रपटाच्या सेटवर एकमेकांसोबत काम करता करता कलाकारांची लव्हस्टोरी सुरू होते आणि मग लग्न. अशी अनेक उदाहरणं सापडतील. ताज उदाहरण नील भट्ट व ऐश्वर्या शर्मा यांचं.

2 / 8

होय, स्टार प्लस वाहिनीवरील ‘गुम है किसी के प्यार मे’ या मालिकेच्या सेटवर नील व ऐश्वर्या एकमेकांच्या प्रेमात पडले आणि आज त्यांनी लग्नगाठ बांधली.

3 / 8

‘गुम है किसी के प्यार मे’ या मालिकेत ऐश्वर्याने नीलच्या वहिनीची भूमिका साकारली आहे. नील विराटच्या भूमिकेत आहे तर ऐश्वर्याने पत्रलेखाची भूमिका साकारणारी आहे.

4 / 8

आता हीच रिल लाईफ दीर-भावजयीची जोडी रिअल लाईफमध्ये पती-पत्नी बनले आहेत. आज उज्जैनमध्ये दोघांचाही विवाह सोहळा पार पडला.

5 / 8

ऑक्टोबर 2020 मध्ये ‘गुम है किसी के प्यार मे’ ही मालिका सुरू झाली होती. त्याच्या महिनाभरआधी ऐश्वर्या व नीलची पहिली भेट झाली होती आणि या भेटीनंतर महिनाभरातच दोघांनीही आपल्या प्रेमाची कबुली दिली होती.

6 / 8

जानेवारी 2021 मध्ये नील व ऐश्वर्याने साखरपुडा केला होता. साखरपुड्याचे फोटो दोघांनीही सोशल मीडियावर शेअर केले होते.

7 / 8

2009 मध्ये ‘जो इश्क की मर्जी वो रब की मर्जी’ या मालिकेपासून नीलने त्याच्या अ‍ॅक्टिंग करिअरची सुरूवात केली होती. पण त्याला खरी ओळख मिळाली ती ‘12/24 करोल बाग’ या मालिकेने. 2012 मध्ये ‘रामायण’ या मालिकेत त्याने लक्ष्मणाची भूमिका साकारली होती.

8 / 8

ऐश्वर्याने मेरी दुर्गा, माधुरी टॉकिज अशा मालिकेत काम केलेय. गेल्या 5 वर्षांपासून ती टीव्ही इंडस्ट्रीत आहे. ऐश्वर्या इंजिनिअर आहे. पण आता ती अभिनेत्री म्हणून ओळखली जाते.