सुनील शेट्टीच्या खंडाळ्यातील आलिशान बंगल्यात होणार अथियाचं लग्न, फोटो बघून व्हाल अवाक्...

Athiya-KL Rahul Wedding Destination: बॉलिवूडमध्ये पुन्हा एकदा लग्नाचा सीझन सुरू होणार आहे आणि यावेळी लग्नाची सुरूवात होणार आहे बॉलिवूड अभिनेत्री अथिया शेट्टी (Athiya Shetty) आणि क्रिकेटर केएल राहुल (KL Rahul) यांच्या लग्नाने.

बॉलिवूडमध्ये पुन्हा एकदा लग्नाचा सीझन सुरू होणार आहे आणि यावेळी लग्नाची सुरूवात होणार आहे बॉलिवूड अभिनेत्री अथिया शेट्टी (Athiya Shetty) आणि क्रिकेटर केएल राहुल (KL Rahul) यांच्या लग्नाने. बऱ्याच दिवसांपासून त्यांच्या लग्नाची चर्चा सुरू आहे. 23 जानेवारीला त्यांचं लग्न होणार असल्याचं बोललं जात आहे. पण याबाबत अधिकृत काही सांगण्यात आलेलं नाही. येत्या काही दिवसात तारखेची घोषणा केली जाऊ शकते.

अशात अथिया-केएल राहुलचं लग्न कुठे होणार याचीही चर्चा रंगली आहे. कारण जास्तीत जास्त स्टार हे डेस्टिनेशन वेडिंग करतात. अशात सुनील शेट्टी त्याच्या एकुलत्या एका मुलीचं लग्न कुठे करणार याचीही चर्चा आहे.

काही रिपोर्ट्समध्ये सांगण्यात आलं आहे की, केएल राहुल आणि अथियाचं लग्न अभिनेता सुनील शेट्टीच्या खंडाळा येथील आलिशान बंगल्यात होणार आहे. पण याबाबत अधिकृत काही सांगण्यात आलं नाही.

खंडाळ्याच्या डोंगरांमध्ये असलेला अण्णा सुनील शेट्टीचा बंगला फार सुंदर आणि आलिशान आहे. ज्याचे फोटो सोशल मीडियावर नेहमीच व्हायरल होत असतात.

असं सांगण्यात येत आहे की, सुनील शेट्टीच्या या आलिशान बंगल्यात अथिया आणि केएल राहुलच्या लग्नाची तयारी सुरू करण्यात आली आहे.

सुनील शेट्टीचा हा बंदला कोट्यावधी रूपये खर्च करून बनवण्यात आलाय. जेवढा तो बाहेरून सुंदर आहे तेवढाच आतूनही आहे. यात इंटेरिअर डेकोरेशन फार कमाल करण्यात आलं आहे.

सुनील शेट्टीने इंस्टाग्रामवर या बंगल्याची झलक दाखवली होती. जी बघून त्याचे फॅन अवाक् झाले होते. हा बंगला एखाद्या लक्झरी रिसॉर्ट पेक्षा कमी नाहीये.

डोंगरात असलेल्या या बंगल्यातून दरीचा सुंदर नजारा बघता येतो. असं म्हणतात की, सुनील शेट्टीने खूप मनापासून हा बंगला बांधून घेतला आहे. यात लाखो रूपयांच्या कलाकृतीही लावण्यात आल्या आहेत.

आता अथिया-केएल राहुलच्या लग्नाबाबत सांगायचं तर मीडिया रिपोर्ट्सनुसार, या कपलचं लग्न 23 जानेवारीला होणार आहे.