Vikrant Massey : "ते टीव्ही स्टार्सला कमी लेखतात"; विक्रांत मेस्सीने इंडस्ट्रीतील मोठ्या स्टार्सची केली पोलखोल

1 / 10

टीव्हीच्या दुनियेतून आपल्या करिअरची सुरुवात करणाऱ्या विक्रांत मेस्सीने आज बॉलिवूडमध्ये मोठं नाव कमावलं आहे. त्याने आपल्या करिअरमध्ये अनेक हिट चित्रपट दिले आहेत.

2 / 10

'12वी फेल'च्या माध्यमातून त्याने संपूर्ण देशाची मनं जिंकली. आता तो 'द साबरमती रिपोर्ट'मुळे चर्चेत आला आहे. याच दरम्यान, या अभिनेत्याने बॉलीवूड स्टार्सबाबत असं एक सत्य समोर आणलं आहे, जे ऐकून सर्वांनाच मोठा धक्का बसला आहे.

3 / 10

विक्रांत मेस्सीने २००४ मध्ये 'कहां हूँ मैं' या टीव्ही शोमधून आपल्या अभिनय कारकिर्दीला सुरुवात केली. मात्र, या अभिनेत्याला खरी प्रसिद्धी ‘बालिका वधू’मधून मिळाली.

4 / 10

‘बालिका वधू’ने विक्रांतची कारकीर्द एका रात्रीत नव्या उंचीवर नेली. त्यानंतर काही टीव्ही शोमध्ये दिसल्यानंतर, अभिनेता चित्रपटांकडे वळला आणि आज त्याने स्वत:ची एक वेगळी ओळख निर्माण केली आहे.

5 / 10

'12वी फेल' चित्रपटानंतर अभिनेता सध्या 'द साबरमती रिपोर्ट'मुळे चर्चेत आहे. यामध्येही त्याच्या कामाचं खूप कौतुक होत आहे. अनेक राज्यांमध्ये हा चित्रपट टॅक्स फ्री करण्यात आला आहे.

6 / 10

सध्या अभिनेता 'द साबरमती रिपोर्ट'चं जोरदार प्रमोशन करत आहे. एका मुलाखतीदरम्यान विक्रांतने इंडस्ट्रीतील अनेक मोठ्या स्टार्सची पोलखोल केली आणि सांगितलं की ते टीव्ही कलाकारांशी भेदभाव करतात.

7 / 10

विक्रांत म्हणाला, बॉलिवूडमध्ये असे अनेक स्टार्स आहेत. जे वीस-वीस वर्षांपासून छोट्या पडद्यावर चिकटून आहेत. त्यापैकी काही डान्स रिॲलिटी शो जज करत आहेत, तर काही सिंगिंग रिॲलिटी शो जज करत आहेत. यातून ते टीव्हीवर दिसत राहतात.

8 / 10

अभिनेता पुढे म्हणाला, ते टीव्हीमध्ये काम करतात कारण त्यांनाही माहीत आहे की, यापेक्षा मोठं माध्यम नाही. पण जेव्हा एखादा टीव्ही अभिनेता त्यांच्या जगात प्रवेश करतो तेव्हा ते त्याला कमी लेखतात.

9 / 10

विक्रांत मॅसीचा पहिला बॉलिवूड चित्रपट 'लुटेरा' होता. ज्यामध्ये तो रणवीर सिंह आणि सोनाक्षी सिन्हासोबत साइड रोलमध्ये दिसला होता. या अभिनेत्याने अनेक हिट चित्रपटांमध्ये हिरो म्हणून काम केलं आहे.

10 / 10