४ वर्षात मोडलं लग्न, घटस्फोटानंतर आलं डिप्रेशन, आता अभिनेत्रीला थाटायचाय दुसरा संसार

1 / 9

अभिनेत्री वाहबिज दोराबजी तिच्या अभिनयामुळे प्रत्येक घराघरात प्रसिद्ध आहेत. 'प्यार की ये एक कहानी'पासून 'बहु हमारी रजनीकांत'पर्यंत तिने आपल्या अभिनयाने रसिकांच्या मनात घर केले आहे. मात्र, तिच्या आयुष्यातील शेवटची काही वर्षे अशांततेत गेली.

2 / 9

अभिनेत्री २०१७ पासून तिचा एक्स पती विवियन डिसेनापासून वेगळी राहत होती आणि २०२१ मध्ये या जोडप्याचा घटस्फोट झाला. यानंतर विवियनने आपल्या आयुष्यात पुढे जाऊन पुन्हा लग्न केले आणि आता तो एका मुलीचा बापही आहे.

3 / 9

त्याच वेळी, अभिनेत्री स्वतःला दुसरी संधी देण्यास तयार आहे. खरेतर, तिने एका मुलाखतीत खुलासा केला आहे की ती लग्न करणार आहे.

4 / 9

हिंदुस्तान टाईम्सला नुकत्याच दिलेल्या मुलाखतीत वाहबिझने खुलासा केला की ती प्रेमाला दुसरी संधी देण्यास तयार आहे आणि लग्न करण्याचीही योजना आखत आहे.

5 / 9

ती म्हणाली की, माझे पहिले नाते पूर्ण झाले नाही याचा अर्थ असा नाही की मी प्रेमास पात्र नाही. मी नक्कीच पुन्हा लग्न करेन आणि ते निश्चित आहे, परंतु, सध्या याबद्दल बोलण्यासारखे काही नाही.

6 / 9

मला वाटते की आपल्याला सकारात्मकता पसरवण्याची गरज आहे जेणेकरून सर्व योग्य गोष्टी योग्य वेळी आपल्याकडे आकर्षित होतील. मी प्रेमाला दुसरी संधी देणार आहे कारण मी त्याची पात्र आहे, असे ती म्हणाली.

7 / 9

वाहबिझने याच मुलाखतीत खुलासा केला की, विवियनपासून घटस्फोट घेतल्यानंतर ती कोलमडून गेली होती. ती पुढे म्हणाली, एखाद्या वेळी मी खूप तुटले होते आणि पुन्हा मला कठोर व्हावे लागले. मला अक्षरशः पुन्हा सर्व जुळवून घ्यावे लागले. कामाव्यतिरिक्त, मित्र आणि कुटुंबीयांकडून खूप मदत मिळाली, ज्यामुळे मी व्यस्त राहिले. मी स्वतःचे पैसे कमावले. स्वतंत्र राहिल्यामुळे मला खूप आत्मविश्वास मिळाला.

8 / 9

'प्यार की ये एक कहानी'च्या सेटवर वाहबिज दोराबजी आणि विवियन डिसेना यांची भेट झाली. दोघे लवकरच प्रेमात पडले आणि २०१३ मध्ये लग्न केले. तथापि, काही वर्षांनी त्यांच्यात मतभेद निर्माण झाले आणि त्यांनी २०१७ मध्ये घटस्फोटासाठी अर्ज केला.

9 / 9

विवियनने आता नूरन अलीशी लग्न केले आहे आणि तो एका मुलीचा पिताही आहे. या जोडप्याने आपल्या मुलीचे नाव लियान विवियन डिसेना ठेवले आहे. त्याने इस्लाम धर्मही स्वीकारला आहे. एका मुलाखतीत त्याने खुलासा केला की यामुळे त्याला शांती मिळण्यास मदत झाली.