'सारं काही तिच्यासाठी' मालिकेतील श्रीनूची 'ही' आहे खऱ्या आयुष्यातील ओवी, जाणून घ्या कोण आहे ती?

1 / 8

झी मराठीवरील सारे काही तिच्यासाठी ही मालिका अल्पावधीतच प्रेक्षकांच्या पसंतीस उतरली आहे. मालिकेतील श्रीनू, ओवी आणि निशी यांच्या नात्यातील धमालमस्ती पाहण्यासाठी प्रेक्षकही तेवढेच उत्सुक असतात. ओवी हळूहळू आता खोतांच्या घरात रुळू लागली आहे.

2 / 8

एकीकडे श्रीनूची आई लालीला त्याचे लग्न निशीसोबत व्हावे म्हणून भावाला तशी मागणी घालताना पाहायला मिळाली. पण हा श्रीनू ओवीच्या प्रेमात पडल्यामुळे मालिकेत नवा ट्विस्ट आला आहे. मात्र खऱ्या आयुष्यात श्रीनू ओवीच्या नाही तर रील स्टारच्या प्रेमात पडलेला पाहायला मिळत आहे.

3 / 8

श्रीनूची भूमिका अभिनेता अभिषेक गावकर याने साकारलेली आहे. आता खऱ्या आयुष्यातील त्याची ओवी कोण, हे जाणून घेऊयात.

4 / 8

अभिषेक कॉलेजमध्ये असताना नाटकातून काम करत होता. परळ येथील महर्षी दयानंद हे त्याचे कॉलेज. आंतरमहाविद्यालयीन एकांकिका स्पर्धांमधून तो नाटकाचे लेखन,अभिनय तसेच दिग्दर्शन करू लागला. ब्रह्मास्त्र या एकांकिकेने त्याला प्रकाशझोतात आणले.

5 / 8

रात्रीस खेळ चाले या मालिकेच्या पहिल्या पर्वात तो एका महत्त्वाच्या भूमिकेत झळकला होता. मालिकेत काम करत असतानाच तो प्रल्हाद कुडतरकला मालिकेचे लिखाण करण्यास साहाय्य करत होता. हंडरेड डेज, माझी माणसं, सुख म्हणजे नक्की काय असतं अशा मालिकांमधुन त्याने विविधांगी भूमिका साकारल्या.

6 / 8

सारं काही तिच्यासाठी या मालिकेतून अभिषेकला प्रमुख भूमिका साकारण्याची संधी मिळाली. मालिकेत तो श्रीनिवास सावंत ही भूमिका साकारत आहे. श्रीनू ओवीच्या प्रेमात पडल्याचे दाखवण्यात आले आहे मात्र अभिषेकची खरी ओवी ही रीलस्टार आहे.

7 / 8

अभिषेक रील स्टार असलेल्या सोनाली गुरवच्या प्रेमात आहे. हे दोघेही गेली अनेक वर्षांपासून एकमेकांना डेट करत आहेत.

8 / 8

रील स्टार श्रुतिक कोळंबेकरसोबत ती अनेकदा व्हिडीओ बनवत असते.