Taarak Mehta Ka Ooltah Chashmah : हे काय केलंस? भिडे मास्तराची ‘लेक’ ओळखूही येईना, पाहा निधी भानुशालीचा नवा लुक
By ऑनलाइन लोकमत | Published: July 21, 2022 3:33 PM
1 / 8‘तारक मेहता का उल्टा चष्मा’ या मालिकेत अनेक कलाकार आलेत आणि गेलेत, पण चाहते त्यांना अद्यापही विसरलेले नाहीत. मालिकेतील अनेक बालकलाकार लहानाचे मोठे झालेले चाहत्यांनी पाहिलेत. निधी भानुशाली त्यापैकीच एक. पण आत्ता तुम्ही तिला पाहाल तर ओळखू शकणार नाही.2 / 8होय, ‘तारक मेहता का उल्टा चष्मा’मधील जुनी सोनू अर्थात निधी भानुशाली सध्या मालिकेत काम करत नाही. पण सोशल मीडियावरच्या फोटोंमुळे जाम चर्चेत असते. भिडे मास्तरांच्या या साध्याभोळ्या लेकीचे ताजे फोटो पाहाल तर थक्क व्हाल.3 / 8सोशल मीडियावर प्रचंड सक्रिय असणारी निधी भानुशाली आपले वेगवेगळे फोटो नेहमी शेअर करत असते. तिच्या बोल्ड लूकचीही चर्चा चाहत्यांमध्ये सुरु असते. मात्र, आता निधीने एकदम हटके मेकओव्हर केला आहे. 4 / 8निधीने तिचे केस एकदम बारीक कापले असून, टॉमबॉय लूक केला आहे. नाकात छोटीशी रिंग परिधान केली आहे. तिचा बदललेला लुक पाहून चाहतेही थक्क आहेत. काहींना तिचा हा लुक आवडला आहे तर काहींनी पाहून नापसंती दर्शवली आहे.5 / 8 निधीचा हा टॉमबॉय लूक तिच्या काही चाहत्यांना आवडला आहे. तर काही चाहते मात्र तिच्यावर टीका करत आहे. काहींनी तर तिला थेट इन्स्टाग्रामवर अनफॉलो करण्याची धमकी दिली आहे. तर, काहींनी तिचा हा हेअरकट अतिशय वाईट दिसत असल्याचे म्हटले आहे.6 / 8सर्वप्रथम सोनूची भूमिका झील मेहताने साकारली होती. 9 वर्षांच्या वयापासूनच झीलने या मालिकेत काम करणे सुरु केले होते. पण तिनेही अभ्यासासाठी ही मालिका सोडली होती. तिच्या नंतर ‘तारक मेहता का उल्टा चष्मा’मध्ये निधी भानूशालीची एन्ट्री झाली होती. 7 / 8निधी सोशल मीडियावर प्रचंड अ‍ॅक्टिव्ह आहे. स्वत:चे बोल्ड आणि ग्लॅमरस फोटो ती शेअर करत असते. इन्स्टावर तिचे असंख्य फॉलोअर्स आहेत. 8 / 8‘तारक मेहता का उल्टा चष्मा’ या मालिकेतून निधी केव्हाच बाहेर पडली असली, तरी तिच्या चाहत्यांची संख्या मात्र कधीच कमी झाली नाही.