Tunisha Sharma : "शीझानने ब्रेकअपच्या दिवशी तुनिशाला मारली थप्पड, बुरख्यासाठी टाकायचा दबाव"; आईचा आरोप

1 / 13

टीव्ही अभिनेत्री तुनिशा शर्मा आत्महत्या प्रकरण सध्या चर्चेत आहे. अभिनेत्रीने 24 डिसेंबर 2022 रोजी आत्महत्या केली. याप्रकरणी आरोपी शीझान खान याला अटक करण्यात आली आहे. त्याचबरोबर पोलीस या प्रकरणाचा अधिक तपास करत आहेत. दरम्यान, पोलिसांनी घटनास्थळावरून तुनिशाचा मोबाईल जप्त केला आहे.

2 / 13

मोबाईलवरून तुनिशाच्या मृत्यूशी संबंधित अनेक रहस्य उघड होऊ शकतात, असा दावा केला जात आहे. पोलिसांनी सांगितले की, तुनिशा आयफोन वापरत होती. तिचा फोन अजूनही बंद आहे. त्याचवेळी सूत्रांनी दिलेल्या माहितीनुसार, गुरुवारी एपल कंपनीचे काही तज्ज्ञ वालिव पोलीस ठाण्यात आले होते.

3 / 13

तुनिशाच्या फोनचे लॉक त्यांनी उघडले. या मोबाईल फोनवरून पोलिसांना अनेक चॅट्स आणि कॉल्सची माहिती मिळाल्याचा दावा सूत्रांनी केला असून, त्यात तुनिशा आणि आरोपी शिझानची आई यांच्यातील संभाषणही दिसत आहे. सूत्रांनी दिलेल्या माहितीनुसार, आज पोलीस शिझानच्या आईलाही चौकशीसाठी बोलावू शकतात.

4 / 13

तुनिशाच्या आईने शीझानवर आता गंभीर आरोप केले आहेत. पत्रकार परिषद घेऊन त्यांनी शीझानला कठोर शिक्षा मिळावी अशी मागणी केली आहे. तुनिशाने आत्महत्येच्या एक दिवस आधी ख्रिसमस साजरा करण्यासाठी चंदीगडला येण्याचा विचार करत असल्याचं म्हटलं होतं. त्यामुळे ही हत्या असू शकते असं आईने सांगितलं.

5 / 13

शीझान बुरखा घालण्यासाठी दबाव टाकत होता. तुनिशाच्या वागण्यात देखील खूप बदल झाला. लग्नाचं वचन दिल्याने तुनिशा मुस्लिम असल्यासारखी राहू लागली होती. त्याच्या आईला अम्मा म्हणायची. शीझानच्या कुटुंबाला भेटल्यानंतर ती माझ्यापासून खूप लांब राहायची. त्याच्या कुटुंबाला तिने आपलं म्हटल्याचं देखील तुनिशाच्या आईने म्हटलं आहे.

6 / 13

'तुनिशाने सांगितलं होतं की, शीझान सेटवर ड्रग्स घेत होता. जो पर्यंत तुनिशाला न्याय मिळत नाही तोपर्यंत मी शीझानला सोडणार नाही. एकदा शीझानचा फोन तुनिशाने चेक केला होता. तेव्हा तो दुसऱ्याच एका मुलीसोबत बोलत असल्याचं लक्षात आलं. ज्यानंतर दोघांचं भांडण झालं आणि त्याच कारणाने ब्रेकअपही झालं.'

7 / 13

'शीझानने ब्रेकअपच्या दिवशी तुनिशाला कानशिलात लगावली होती. त्यानंतर तिने रडत रडत मला सांगितलं की, शीझानने तिचा वापर केला आहे' असं देखील तुनिशा शर्माच्या आईने म्हटलं आहे. एका हिंदी वेबसाईटने याबाबतचे वृत्त दिले आहे. तुनिशा शर्माच्या आत्महत्येने सर्वांनाच धक्का बसला असून खळबळ उडाली आहे.

8 / 13

वालिव पोलीस टीव्ही शोच्या सेटवर तपासासाठी गेले होते, तेथून त्यांना अनेक महत्त्वाचे पुरावे मिळाले आहेत. पोलिसांना तुनिशाच्या सेटवरून एक पत्र मिळाले आहे, जे तिने तिचा सहकलाकार आणि एक्स बॉयफ्रेंड शीझान खानसाठी लिहिले होते. या आत्महत्येमागे सहकलाकार शीजान खानसोबतचे ब्रेकअप असल्याचे सांगण्यात येत आहे.

9 / 13

काहीजण याला लव्ह-जिहाद म्हणत आहेत तर काहीजण या प्रकरणाला खून म्हणत आहेत. याला आत्महत्या म्हणत अनेकजण शीझानला निर्दोषही म्हणत आहेत. सध्या अभिनेत्रीच्या आईने शीझान खानवर फसवणुकीचा आरोप करत गुन्हा दाखल केला होता. शीजनला 30 डिसेंबर 2022 पर्यंत पोलीस कोठडीत ठेवण्यात आले आहे.

10 / 13

तुनिशा तिच्या 'अली बाबा: दास्तान-ए-काबुल' या मालिकेच्या शूटिंगसाठी नायगाव येथील सेटवर पोहोचली. तुनिशाचा को-स्टार शिझानच्या म्हणण्यानुसार, तो दुपारी 3 वाजता त्याच्या मेकअप रूमजवळ पोहचला. तेव्हा रुमचा दरवाजा आतून बंद होता. बराच वेळ दार न उघडल्याने त्याने दरवाजा तोडून आत प्रवेश केला. आत तिचा मृतदेह लटकलेल्या अवस्थेत आढळून आला.

11 / 13

15 दिवसांपूर्वी ब्रेकअप झाले होते. आपल्या मृत्यूच्या एक दिवस आधी तुनिशाने तिच्या आईशी झालेल्या संवादात शिझानबद्दल तिची तळमळ व्यक्त केली होती. एबीपी न्यूजच्या रिपोर्टनुसार, मला शिझान हवाय. आई मला तुला माझ्या मनातली गोष्ट सांगायची आहे. मला तो माझ्या आयुष्यात परत हवा आहे, पण तो ऐकायला तयार नाही, तू बोलशील का एकदा शिझानशी.

12 / 13

तुनिशाची आई यानंतर शिझानशी बोलली होती आणि तुनिशाच्या आयुष्यात परत येण्यास देखील सांगितलं होतं. पण शिझानने स्पष्ट शब्दात नकार दिला होता. तुनिशाच्या आईने अभिनेता शिझान खानवर गंभीर आरोप केले आहे. शिझानला कंटाळून तुनिशाने आत्महत्या केल्याचा आरोप आईने केला आहे.

13 / 13

तुनिशाच्या आईने शिझानशी अनेकवेळा संपर्क साधला होता आपल्या मुलीला असं फसवायचंच होतं मग तू तिच्या जवळ आलाच कशाला? माझ्या मुलीचं आयुष्य का उद्ध्वस्त केलंस? असा जाब शिझानला विचारला होता, असंही तुनिशाच्या आईनं सांगितलं. पोलीस या प्रकरणाचा अधिक तपास करत आहेत.