तुनिषा प्रकरण: शीजानच्या सीक्रेट गर्लफ्रेंडची ओळख पटली, पण मोबाइल Unlock होईना! एकदा चॅट्स समोर आले की...

1 / 10

Tunisha sharma Death Case: अवघ्या २० वर्षांच्या गुणवान अभिनेत्रीनं आत्महत्या करुन आपलं आयुष्य संपवलं आणि टेलिव्हिजन विश्वात एकच खळबळ उडाली. तुनिषा शर्मा हिनं २४ डिसेंबरला मालिकेच्या सेटवरच आत्महत्या केली. कालच तुनिषाच्या पार्थिवावर अंत्यसंस्कार करण्यात आले. तुनिषा आज या जगात नसली तरी तिच्या आत्महत्या प्रकरणाला दिवसेंदिवस नवं वळण मिळताना दिसत आहे. पोलिसांना आता नवी माहिती मिळाली आहे.

2 / 10

तुनिषा शर्माच्या आत्महत्येला जबाबदार असल्याचा आरोप सहकलाकार आणि तिचा एक्स-बॉयफ्रेंड शीजान खान याच्यावर आहे. शीजाननं आपल्या मुलीला फसवलं असा आरोप तुनिषाच्या आईनं केला आहे. शीजानचे आणखी काही मुलींशी संबंध होते आणि याची माहिती तुनिषाला मिळाल्यामुळे दोघांचं ब्रेकअप झालं होतं. याच तणावात तुनिषानं आत्महत्या केल्याचा आरोप करण्यात आला आहे.

3 / 10

पोलिसांनी आता शीजानच्या चौकशीत त्याच्या सीक्रेट गर्लफ्रेंडचा शोध लावला आहे. समोर आलेल्या माहितीनुसार वालीव पोलिसांनी संबंधित मुलीची ओळख पटवली आहे. पण तिचा जबाब अद्याप नोंदवण्यात आलेला नाही. तसंच शीजानच्या सीक्रेट गर्लफ्रेंडसोबतचे डिलीट केलेले चॅट्स रिकव्हर करण्याचं काम केलं जात आहे.

4 / 10

पोलिसांनी सेटवरील शूटिंगचा DVR जप्त केला आहे. २४ डिसेंबरच्या दिवशी सेटवर नेमकं काय घडलं होतं हे जाणून घेण्याचा पोलीस प्रयत्न करत आहेत. तुनिषा आणि शीजान यांच्यात नेमका काय संवाद झाला होता याची पोलीस चौकशी करत आहेत. वालीव पोलिसांनी रॉ फुटेज जप्त केलं आहे.

5 / 10

पोलिसांच्या चौकशीत शीजनच्या सीक्रेट गर्लफ्रेंडची माहिती समोर आल्यानं या प्रकरणाला नवं वळण मिळालं आहे. शीजानच्या अडचणी वाढत असल्याचं दिसून येत आहे. शीजानच्या सीक्रेट गर्लफ्रेंडचं नाव आणि माहिती पोलिसांनी अद्याप जाहीर केलेली नाही. कारण पोलिसांनी दिलेल्या माहितीनुसार संबंधित तरुणीची चौकशी होणं अद्याप बाकी आहे.

6 / 10

शीजानचा जबाब कॅमेरात रेकॉर्ड करण्यात आला आहे. शीजानचे WhatsApp चॅट्स आणि रेकॉर्डिंग वालीव पोलिसांनी रिकव्हर केलं आहे. पोलिसांना शीजानच्या फोनमध्ये तुनिषासोबतचे कोणताही आपत्तीजनक चॅट्स आढळून आलेले नाहीत. पण पोलिसांना तुनिषाचा फोन अनलॉक करण्यात अद्याप यश आलेलं नाही.

7 / 10

दुसरीकडे शीजाननं आता तुनिषासोबतच्या ब्रेकअपचं नवं कारण दिलं आहे. करिअरवर लक्ष केंद्रीत करायचं होतं म्हणून तुनिषासोबत ब्रेकअप केलं असं शीजाननं सांगितलं आहे. शीजान अजूनही पोलीस कोठडीत आहे. पोलीस त्याची कसून चौकशी करत आहेत.

8 / 10

याआधी शीजानने तुनिषासोबत भिन्न धर्म आणि वयातील अंतरामुळे ब्रेकअप केल्याचे पोलिसांना सांगितले होते. श्रद्धा वालकर प्रकरणानंतर मला खूप त्रास झाला आणि त्यामुळेच त्याने ब्रेकअप करण्याचा निर्णय घेतल्याचेही त्यांने सांगितले होते.

9 / 10

सीक्रेट गर्लफ्रेंडची चौकशी पोलीस नंतर करणार आहेत. आता शीजान आणि त्याची सीक्रेट गर्लफ्रेंड यांच्या चौकशीतून कोणती नवी माहिती समोर येणार हे पाहावं लागणार आहे. कारण यातूनच याप्रकरणाचा गुंता सुटू शकेल असं म्हटलं जात आहे.

10 / 10

एबीपी न्यूजच्या रिपोर्टनुसार अभिनेत्रीच्या निधनाच्या एक दिवस आणि तुनिषा आणि शिजानचं जोरदार भांडण झालं होतं. हे भांडण इतकं वाढलं की दोन तास शूटिंग थांबवावं लागलं. अखेर प्रकरण काय आहे हे जाणून घेण्यासाठी पोलिस दोघांमध्ये झालेल्या भांडणाचा तपास करत आहेत.