Ved Marathi Movie : रितेश भाऊचीच हवा ! 'वेड' चा धुमाकूळ काही थांबेना, छप्परफाड कमाई करत केला रेकॉर्ड
By ऑनलाइन लोकमत | Published: January 10, 2023 1:45 PM
1 / 8महाराष्ट्राची लाडकी जोडी रितेश देशमुख आणि जिनिलियाने अक्षरश: नावाप्रमाणेच सर्वांना वेड लावलं आहे. 'वेड' हा मराठी सिनेमा प्रदर्शित होऊन दहा दिवस झाले तरी याची लोकप्रियता वाढतच चालली आहे.2 / 8रितेश जिनिलियाची क्युट जोडी, तुफान प्रमोशन आणि सुंदर गाणी यामुळे वेड प्रेक्षकांना सिनेमागृहात खेचून आणतोय. 3 / 8या दोघांनी मिळून महाराष्ट्रभर केलेले प्रमोशनही जोरदारच होते त्यामुळे सिनेमा आणखी हिट झाला.मुंबई व्यतिरिक्त कोल्हापूर, तुळजारपूर, लातूर, पुणे अशी अनेक शहरांमध्ये त्यांनी लोकांमध्ये मिसळून 'वेड' चे प्रमोशन केले. 4 / 8नुकताच चित्रपटाने मराठी सिनेमा जगतात रेकॉर्ड रचला आहे. ८ तारखेला रविवारी 'वेड'ने एका दिवसात तब्बल ५.७० कोटींची कमाई करत रेकॉर्ड केला आहे. एकाच दिवसात इतक्या कोटींचा गल्ला जमवणारा हा पहिला मराठी सिनेमा ठरला आहे. 5 / 8विकएंड असो किंवा आठवड्याचा पहिला दिवस वेडच्या कमाईच भरच पडत आहे.आतापर्यंत वेड ने एकूण ३५.७७ कोटींचा गल्ला जमवला आहे. मराठी चित्रपटासाठी नक्कीच ही कौतुकास्पद बाबा आहे. 6 / 8मराठी सिनेसृष्टीच नाही तर अख्ख्या बॉलिवूडने वेड ची दखल घेतली आहे. रितेशचे बॉलिवूडमध्ये वर्चस्व आहेच त्यामुळे त्याला याचा चांगलाच फायदा झाला आहे. 7 / 8वेड ची लोकप्रियता बघता येत्या काही दिवसात सिनेमा कमाईचे शिखर गाठेल असेच चित्र दिसून येते. वेड या सिनेमातून रितेशने दिग्दर्शनात पदार्पण केले आहे तर जिनिलियाचा हा पहिलाच मराठी चित्रपट आहे.8 / 8रितेश-जिनिलियासह‘वेड’ या सिनेमात अशोक सराफ, विद्याधर जोशी, शुभंकर तावडे आणि जिया शंकर हे कलाकारदेखील मुख्य भूमिकेत आहेत. तसेच बॉलिवूडचा भाईजान सलमान खानची झलकदेखील प्रेक्षकांना पाहायला मिळत आहे.