Ranveer Singh, Choti Deepika Rashi Shinde: रणवीर सिंगला प्रेमात पाडणारी मराठमोळी राशी शिंदे नक्की आहे तरी कोण?

1 / 12

Ranveer Singh, Choti Deepika Rashi Shinde: रणवीर सिंग आणि दीपिका पदुकोण हे बॉलिवूडमधलं एक 'हॉट & फिट' कपल. राम-लीला चित्रपटाच्या निमित्ताने हे दोघे सेटवर शूटिंगसाठी एकत्र आले अन् प्रेमाचं रुपांतर लग्नात झालं.

2 / 12

दोघेही सार्वजनिक आयुष्यात एकमेकांची खूप काळजी घेताना दिसतात. पण सध्या मात्र, रणवीर एका छोट्या दीपिकाच्या प्रेमात पडलाय म्हणे. त्यातही महत्त्वाचं रणवीर जिच्यावर इतका फिदा झालाय ती मराठी मुलगी असून तिचं नाव आहे राशी शिंदे.

3 / 12

रणवीरने राशी शिंदेचा एक व्हिडीओ शेअर केलाय. त्यात ती दीपिकाचा रामलीला चित्रपटातला एक लोकप्रिय सीन लिप-सिंक करताना दिसत्ये.

4 / 12

मुख्य गोष्ट म्हणजे रामलीलामधला तो इमोशनल सीन ती दीपिकाइतकाच चांगलाच वठवताना दिसत आहे आणि त्यामुळेच तिचं चहुबाजूंनी कौतुक होतंय. पण ही राशी नक्की कोण, तिचं वय किती, ती करते काय... असे प्रश्न सगळ्यांनाच पडले आहेत. जाणून घेऊया याच प्रश्नांची उत्तरं...

5 / 12

राशी ही एक सोशल मीडिया स्टार आहे. ती छोटे डायलॉग्स, स्कीट आणि लिप सिंकचे व्हिडीओ बनवून वेगवेगळ्या सोशल मीडियावर पोस्ट करत असते. तिचे विविध सोशल मीडियावर अकाऊंटवर मिलियनपेक्षाही जास्त फॉलोअर्स आहेत.

6 / 12

राशीचा जन्म २००८ सालचा असल्याने सोशल मीडिया अकाऊंट तयार करण्यासाठी ती लहान (Underage) आहे. त्यामुळे तिची आई अश्विनी शिंदे तिचे सर्व अकाऊंट हँडल करतात.

7 / 12

राशी अनेक व्हिडीओमध्ये बॉलिवूड अभिनेत्रींसारखे कपडे घालून त्यांच्या प्रसिद्ध अशा डायलॉग्सवर लिप सिंक करते. तसेच राशी तिच्या आईसोबतही काहीना काही व्हिडीओ कंटेट तयार करत असते.

8 / 12

भारतात जेव्हा टीक-टॉक खूप जास्त लोकप्रिय झालं होतं त्यावेळी तिने टीकटॉकवर अकाऊंट सुरू केलं होतं आणि त्यावरच्या व्हिडीओच्या माध्यमातून ती जास्त प्रसिद्ध झाली होती.

9 / 12

भारतात टीकटॉक बंद झाल्यानंतर आता ती युट्यूब, इन्स्टाग्राम, मोज अँप, स्नॅक व्हिडीओज अशा अनेक सोशल प्लॅटफॉर्मवर व्हिडीओ कंटेंट अपलोड करते.

10 / 12

राशीने म्युझिक व्हिडीओ आणि शॉर्ट फिल्म्समध्ये काम केलं आहे. मिळालेल्या माहितीनुसार ती लवकरच झी मराठीच्या एका टीव्ही शो मध्ये झळकणार आहे.

11 / 12

राशी मूळची शिर्डीची असून तिचा जन्म २४ जून २००८ ला झाला. काही काळ शिर्डीत वास्तव्य केल्यानंतर आता सध्या ती मुंबईत वास्तव्यास आहे.

12 / 12

celebrityqna या वेबसाईटने एका रिपोर्टच्या हवाल्याने दिलेल्या माहितीनुसार राशीचं सोशल मीडियाव्हिडीओ बनवण्यासहित महिन्याचं उत्पन्न हे अंदाजे ७० हजार रूपये आहे. तिला युट्यूबकडून मानाचं सिल्वर बटणंही मिळालं आहे.