Year Ender 2021 : वर्षभरात 'या' मराठी सेलिब्रिटींनी बांधली लग्नगाठ, पाहा त्यांचे खास फोटो

1 / 9

खुलता कळी खुलेना आणि तुला पाहते रे या मालिकांमधून झळकलेली अभिनेत्री अभिज्ञा भावेनं यावर्षी 6 जानेवारी रोजी व्यावसायिक मेहुल पै याच्याशी लग्नगाठ बांधली. अभिज्ञाचं हे दुसरं लग्न. या लग्नाचे बरेच फोटो व व्हिडीओ सोशल मीडियावर व्हायरल झाले होते.

2 / 9

अभिनेता सिद्धार्थ चांदेकर आणि अभिनेत्री मिताली मयेकर यांनी 7 जानेवारी 2021 रोजी लग्नगाठ बांधली. विवाह सोहळ्यासाठी मितालीने हिरव्या रंगाची साडी आणि सोनेरी दागिने असा लूक केला होता. पुण्यातील ढेपेवाडा याठिकाणी महाराष्ट्रीयन पेशवाई पद्धतीनुसार हा लग्नसोहळा पार पडला होता.

3 / 9

20 जानेवारी 2021 रोजी अभिनेत्री मानसी नाईकने बॉक्सर प्रदीप खरेरासोबत लग्नगाठ बांधली. लग्नसोहळ्यासाठी मानसीने जोधा अकबर चित्रपटातील ऐश्वर्या रॉयसारखा लूक केला होता. तिच्या या लूकची चांगलीच चर्चा झाली होती.

4 / 9

‘लव्ह लग्न लोचा’मधील अभिनेत्री रुचिता जाधव यंदा 3 मे रोजी लग्न बेडीत अडकली होती. मुंबईतील व्यावसायिक आनंद मानेशी तिनं लग्नगाठ बांधली. पंचगणी येथील एका फार्महाऊसवर तिचं मोठ्या थाटामाटात लग्न पार पडलं होतं.

5 / 9

मराठी सिनेसृष्टीतील ‘अप्सरा’ अभिनेत्री सोनाली कुलकर्णीने 7 मे रोजी दुबईत कुणाल बेनोडेकरशी लग्नगाठ बांधली. दुबईतील एका हिंदू मंदिरात अत्यंत साध्या पद्धतीने या दोघांनी लग्न केलं. लग्न साध्या पद्धतीने झालं असलं तरी या लग्नाची जोरदार चर्चा झाली होती.

6 / 9

गेल्या 21 ऑक्टोबर रोजी सुयश टिळक आणि आयुषी भावे यांचं शुभमंगलम पार पडलं. या लग्नसोहळ्याला मराठी इंडस्ट्रीतील काही कलाकारसुद्धा उपस्थित होते. या लग्नाचे अनेक सुंदर फोटो व व्हिडीओ व्हायरल झाले होते.

7 / 9

‘कुसुम’ फेम अभिनेत्री वेदांगी कुलकर्णी व अभिषेक तिळगुळकर यांचा यावर्षी 9 मार्चला साखरपुडा झाला होता. यानंतर गेल्या 20 नोव्हेंबरला दोघांचं लग्न पार पडलं. लग्नात वेदांगीने पिवळ्या रंगाची नऊवारी नेसली होती तर अभिषेकने पेशवाई पोशाख केला होता.

8 / 9

‘लग्नाची वाईफ वेडिंगची बायकू’ या मालिकेत काजल आणि मदनची भूमिका साकारणारे कलाकार विजय आंदळकर आणि रुपाली झनकार यांनी या चालू महिन्यात म्हणजे डिसेंबरमध्ये लग्नगाठ बांधली.

9 / 9

‘दख्खनचा राजा ज्योतिबा’या मालिकेत चोपडाईची भूमिका साकारलेली अभिनेत्री सई कल्याणकर नुकतीच लग्नबंधनात अडकली आहे. तिने प्रशांत शिवराम चव्हाणसोबत लग्नगाठ बांधली.