आपल्या अभिनयाने तसंच सौंदर्याने रसिकांच्या मनात अढळ स्थान मिळवणारी अभिनेत्री पूजा सावंत. पूजाने विविध सिनेमांमधून दर्जेदार भूमिका साकारत चित्रपटसृष्टीत स्वतःची वेगळी ओळख निर्माण केली आहे. 'क्षणभर विश्रांती' या सिनेमातून तिने मराठी चित्रपटसृष्टीत पाऊल ठेवलं होतं. यानंतर 'आता गं बया', 'झकास', 'सतरंगी रे', 'दगडी चाळ', 'नीळकंठ मास्तर' अशा अनेक मराठी सिनेमात वैविध्यपूर्ण भूमिका साकारल्या आहेत. आता मराठी रसिकांची मनं जिकंल्यानंतर ती थेट बॉलिवूडमध्ये एंट्री करण्यासाठी सज्ज झाली आहे. लवकरच ती बॉलिवूडमध्ये एंट्री करणार आहे. 'जंगली' या हिंदी सिनेमातून पूजा रसिकांच्या भेटीला येणार आहे. अभिनेता विद्युत जामवालसोबत ती 'जंगली' सिनेमात झळकणार आहे.
'जंगली' हा एका वन्यजीवप्रेमी कार्यकर्त्यावरील सिनेमा आहे. प्रवासामध्ये हत्तींची शिकार होत असल्याचं लक्षात आल्यानंतर त्या विरोधात संघर्ष करणारा नायक विद्युतनं साकारला आहे.तर पूजादेखील महत्त्वाच्या भूमिकेत झळकणार आहे. पूजा बॉलिवूडमध्ये एंट्री करणार असल्यामुळे भलतीच खूश असून तिने आपला आनंद सोशल मीडियाच्या माध्यमातून व्यक्त केला आहे.
पूजा सावंत सोशल मीडियावरही बरीच अॅक्टिव्ह आहे. सोशल मीडियाच्या माध्यमातून ती आपल्या फॅन्सशी संवाद साधत असते. आपले फोटो आणि व्हिडीओ ती त्यांच्यासह शेअर करत असते. दिवसेंदिवस तिच्या फॅन्सच्या संख्येत वाढ होत आहे. तिच्या याच फॅन्सनी तिला दिवाळीचं तिच्या रसिकांनी गिफ्ट दिले आहे. सोशल मीडिया अकाउंट इन्स्टाग्रामवर पूजाने १० लाख फॉलोअर्सचा टप्पा पार केला आहे.फॅन्सकडून प्रत्येक दिवशी आणि प्रत्येक क्षणाला मिळणारं प्रेम हे विशेष तसंच तितकंच खास असतं. ते मिळ असल्यानं स्वतःला नशीबवान समजत आहे अशा शब्दांत तिने आपल्या सर्व फॅन्सचे आभार मानले होते.